Popular Bible Verses from Luk 8

Share

Sətsensə shì a sə nfəŋkə a nse jùŋ diʼ tò nə̀ viʼi vyi a və zhʉ kənyʉ̀ kə Nyìngòŋ, ə ghaʼ no nəmwèʼè nə̀ tətyɨm tə jùŋtə, sə mwòmsə̀ əzaʼa fa zhʉ a ghə̀ a kumə ashɨ a vəwenə ntsìnə̀sə.

Sətsensə shì a sə nfəŋkə a kəzòyn diʼ tò nə̀ viʼi vyi a və zhʉ kənyʉ̀ akì, sə tsitə tò alə̀, ashɨ vəwenə boʼtə, vəwenə sə kəŋ ghoʼ, nyɨŋ fa bàmə fo nse, nyʉ̀ kaynə və taʼsə la kə vəwenə tɨmə a vəwenə tyì byɨmə.

Ayi a ghə̀ nfəŋkə a təghu diʼ tò nə̀ viʼi vyi a və zhʉ kənyʉ̀ akì, və zaŋsə byɨmə tò a fəshitə̀ fə zhʉ alə̀, mwòmsə vi, vəwenə nfɨŋ tò fa zhʉ.

Yesò mù bèm à vəwenə la, “Byìʼì ghò a ghə̀ŋ ko kiʼi byɨmə a?” Vəwenə mù sə dìʼ nə̀ kàynə bè fàynə, sə bèmə à vəwenə a ntìntìn la, “Ghèn lè diʼ no ndò lo? Ghə̀ kənkə fwof nə̀ mu, və zhʉ wen a?”

Ngwàʼ yì a ghə̀ nfəŋkə a ji diʼ tò nə̀ viʼi vyi a və zhʉ kənyʉ̀ kə Nyìngòŋ, Deblə̀ vì shisə fà vəwenə tətyɨm la kə vəwenə byɨmə ə bwòŋ.

“No ghò a və sətsèn nlyòmtə̀, və lù kəŋ ə vì nə̀ wen a ndayn, a nlyòmtə̀ tè kənyʉ̀ kə kò, kò kə lə faŋ ke fʉ̀ a ndayn.

Wùwì a ghèn yen la və kɨli la a kùmsə̀ yì, ghə̀ fʉ̀ tsəŋtə vì fəŋ ashɨ Yesò ə shə̀ʼtə̀ kənyʉ̀ kì a kə yì nè la ghə̀ kùmsə̀ Yesò. Viʼi vətsèm zhʉ. Ghə̀ be gàʼ la yì kùmsə̀ wen no a zhʉ kò ə nto tò fa zhʉ. Yesò mù gàʼ à wen la, “Wàyn ghom, byɨmə wu nèli, wù nto. Pfwo tò nə̀ mbwaʼmə.”

Vəwenə dyʉ̀ ə zhòmə wen gàʼà la, “Tìʼ, Tìʼ, lu, yès dìʼ a mə pfʉ!” Ghə̀ lù ə kənkə fwof bènə̀ mu a myì, ghə̀ tyinə ə shi chɨmə la moŋ.