Popular Bible Verses from Mariko 12

Share

Yesu wakazgora wakati, “Dango lakudanga ndi ili, ‘Pulikani imwe ŵaIsraele, Fumu Chiuta withu, njumoza pera. Ndipo utemwenge Fumu Chiuta wako na mtima wako wose, na mzimu wako wose, na vinjeru vyako vyose, na nkhongono zako zose.’ Dango la chiŵiri ndi ili, ‘Utemwenge muzengezgani wako nga ndi umo ukujitemwera wamwene!’ Palije dango linyakhe lakuruska agha.”

Ndipo Yesu wakaŵachema ŵasambiri ŵakhe wakati, “Nadi nkhumuphalirani kuti, chokoro chikavu ichi chaŵikamo ndarama kuruska wose awo ŵaŵikamo mu chakupokeramo vyakupereka. Pakuti ŵanandi ŵaŵikamo kufuma pa ndarama za uzari wa usambazi wawo. Kweni chokoro ichi mu ukavu wakhe chaŵikamo vyose ivyo chikaŵa navyo ivyo vikenera kumulera.”

Yesu wakakhara pasi kuthyana na chakupokeramo vyakupereka vya mu Nyumba ya Chiuta. Ndipo wakawonanga ŵanthu umo ŵakaperekeranga ndarama zawo mu chakupokeramo vyakupereka. Ŵanthu ŵanandi ŵasambazi ŵakaŵikangamo ndarama zinandi, kweni chokoro chikavu chikiza na kuŵikamo tundarama tuchoko tuŵiri.

Ndipo ukwenera kumutemwa iyo na mtima wose, na vinjeru vyose, na nkhongono zose, ndiposo na kutemwa muzengezgani wako nga ndi umo ukujitemwera iwe wamwene. Kuchita ntheura, ndiko nkhwakuruska kupereka sembe zose zakocha na zinyakhe zose.”

Yesu wakati kwa iwo, “Perekani kwa karonga wa ku Romu ivyo nvya karonga wa ku Romu, ndipo kwa Chiuta ivyo nvya Chiuta.” Ndipo ŵakazizwa nayo.