Popular Bible Verses from Mateyu 28

Share

Ntheura rutani mukazgore ŵamitundu yose kuŵa ŵasambiri ŵane na kuŵabapatiza mu zina la Ŵadada na la Mwana na la Mzimu Mutuŵa. Ndipo mukaŵasambizge kusungilira vyose ivyo ndamulangulirani. Ndipo ine ndili namwe mazuŵa ghose mpaka ku umaliro wa charu.”

Ntheura Yesu wakiza kwa iwo na kuyowoya nawo wakati, “Mazaza ghose ghapika kwa ine kuchanya na pasi.

Mungelo wakati ku ŵanakazi ŵara, “Mungopanga, chifukwa nkhumanya kuti mukupenja Yesu, uyo wakapayikika pa mphinjika. Kuti wali pano chara. Wawuka ku ŵakufwa nga ndi umo wakayowoyera. Zaninge mughawone malo agho wakagonapo.

Ntheura Yesu wakaŵaphalira wakati, “Mungopanga, rutaninge mukaŵaphalire ŵasambiri ŵane kuti ŵarute ku Galileya. Kwenekura ndiko ŵamkundiwona.”

Para ŵasofi ŵarara ŵakawungana na ŵarara ŵa ŵaYuda ŵakazomerezgana kuŵapa ŵalinda ndarama zinandi. Ŵakaŵaphalira ŵakati, “Muŵaphalirenge ŵanthu kuti ŵasambiri ŵakhe ŵakiza kamwiba na usiku apo ise tikaŵa mu tulo! Usange mukuru wa chigaŵa ŵaghapulika makani agha, tamkumuyowoyera makora ndipo imwe kuti mwamkunjira mu visuzgo chara.” Ntheura ŵalinda ŵara ŵakapokera ndarama na kuchita nga ndi umo ŵakaŵaphalirira. Ndipo makani agha ghali kutandazgika mukati mu ŵaYuda kufika mpaka sono.