Popular Bible Verses from Mateyu 27

Share

Pafupi na nyengo ya 3 koloko, Yesu wakachemerezga na mazgu ghakuru wakati, “Eli, Eli, Lamasabakatani!” Ndiko kuti, “Chiuta wane, Chiuta wane, kasi mwandisidirachi?”

Penepapo chisalu chakuchinga cha mu Nyumba ya Chiuta chikaparuka pakati, kufuma kuchanya kufikira pasi. Charu chikandindima, ndipo majarawe ghakasweka. Madindi ghakajurika ndipo ŵanthu ŵarunji awo ŵakafwa kale, ŵakawuka.

Yesu wakati wachemerezgaso na mazgu ghakuru, wakapereka mzimu wakhe.

Kweni murara wa ŵankhondo pamoza na awo ŵakalondanga Yesu, ŵakati ŵawona chindindindi na ivyo vikachitika, ŵakopa chomene. Ndipo ŵakati, “Nadidi, Munthu uyu wakaŵa Mwana wa Chiuta!”

Kufuma pa 12 koloko kufika pa 3 koloko kukaŵa chisi pa charu chose.

Pilato wakaŵafumba wakati, “Kasi sono ndichitechi nayo Yesu uyo wakuchemeka Mesiya?” Wose ŵakazgora ŵakati, “Mupayikani pa mphinjika!” Pilato wakaŵafumba, “Chifukwa? Kasi wanangachi?” Penepapo wose ŵakachemerezga chomene ŵakati, “Mupayikani pa mphinjika!”