Popular Bible Verses from Mateyu 21

Share

Chose icho mungapempha mu kuromba, mwamkupokera usange muli na chipulikano.”

Yesu wakazgora wakati, “Nadi nkhumuphalirani kuti usange muli na chipulikano, ndipo kuti mukukayika chara, muti muchitenge icho chachitika ku chikuyu ichi pera chara, kweni nanga nkhuyowoya ku phiri ili kuti, ‘Nyamuka na kujiponya mu nyanja,’ ndipo chiti chichitikenge.

Mizinda ya ŵanthu awo ŵakadangira na awo ŵakarondezganga, yikachemerezga yikati, “Hosana kwa Mwana wa Davide! Ngwakutumbikika uyo wakwiza mu zina la Fumu! Hosana kuchanya nkhanira!”

Wakaŵaphalira wakati, “Kuli kulembeka kuti, ‘Nyumba yane yichemekenge nyumba yakusoperamo.’ Kweni imwe mukuyizgora mphanji ya ŵankhungu.”

“Phalirani ŵanthu ŵa mu Ziyoni kuti, ‘Wonani, karonga winu wakwiza kwa imwe. Ngwakuzika ndipo wakwera pa mbunda, inya wakwera pa kamwana ka mbunda!’ ”

Yesu wakaŵafumba wakati, “Kasi mundaŵazgepo malembo agho ghakuti, ‘Libwe ilo ŵazengi ŵakalikana, ndilo lazgoka nkhorezgero ya chingodya. Fumu Chiuta ndiyo yikachita ichi, ndipo nchakutizukumiska chomene!’

“Ntheura ichi nkhumuphalirani kuti Ufumu wa Chiuta uti upokekenge kufuma kwa imwe na kuperekeka ku fuko leneilo likupambika vipambi vyakwenerera.” [