Popular Bible Verses from Mateyu 12

Share

“Nkhumuphalirani kuti pa zuŵa la weruzgi, munthu yose wizamkupataura pa mazgu ghose ghawakawaka agho wakuyowoya. Pakuti iwe wamkurunjiskika na mazgu ghako, ndiposo wamkususkikaso na mazgu ghako.”

Mwa mphapu za vipiri imwe, kasi mungamanya uli kuyowoya viweme apo imwe muli ŵaheni? Pakuti mlomo ukuyowoya ivyo vyazura mu mtima.

Munthu muweme wakufumiska vinthu viweme kufuma pa viweme ivyo wali kusunga mu mtima mwakhe. Ndipo munthu muheni nayo wakufumiska vinthu viheni kufuma pa viheni ivyo wali kusunga mu mtima wakhe.

Ntheura nkhumuphalirani kuti, kwananga kose nanga ndi matusi kwa Chiuta viti vigowokereke ku ŵanthu, kweni kuyowoya matusi kwa Mzimu Mutuŵa kuti kugowokerekenge chara.

“Chitani kuti khuni liŵe liweme, ndipo vipambi vyakhe navyo viti viŵenge viweme. Chitani kuti khuni liŵe liheni, ndipo vipambi vyakhe navyo viti viŵenge viheni. Pakuti khuni lose likumanyikwa na vipambi vyakhe.