Agha ndi mazgu gha Amosi uyo wakaŵa yumoza wa ŵaliska ŵa mberere ku Tekowa agho wakapokera kwizira mu mboniwoni. Ghakuphara na vya ŵaIsraele virimika viŵiri pambere chindindindi chindize. Apa pakaŵa pa nyengo iyo Uziya wakaŵa karonga wa charu cha Yuda, ndiposo na apo Yerobowamu, mwana wa Yowashi, wakaŵa karonga wa charu cha Israele.
Amosi wakati,
“FUMU yikubangura ku Ziyoni,
mazgu ghakhe ghakududumira kufumira ku Yerusalemu.
Ndicho chifukwa maluhari ghakomira
ndipo utheka pa Phiri la Karimele ukufota.”