Popular Bible Verses from Zvirevo 13

Share

Fambidzana navakachenjera, ugova akachenjerawo; Asi shamwari yamapenzi inoshatiswa.

Anorindira muromo wake, anochengeta hupenyu hwake; Asi anoshamisa miromo yake, achaparadzwa.

Anorega shamhu anovenga mwanakomana wake; Asi anomuda, anomuranga zvakanaka.

Tariro kana ichinonoka, inoodza mwoyo; Asi kana chapangwa chosvika, ndiwo muti woupenyu.

Kururama kunochengeta akarurama pakufamba kwake; Asi kuipa kunowisira mutadzi pasi.

Pfuma, yakawanikwa nokukurumidza, ichatapudzwa; Asi anounganidza noruoko, zvichawedzerwa kwaari.

Kuzvikudza kunongouyisa kukakavara; Asi uchenjeri huri kuna vanotenda kurairirwa.

Munhu, akanaka, achasiyira vana vavana vake nhaka; Asi pfuma yomutadzi inochengeterwa akarurama.

Mwanakomana akachenjera anoteerera kuraira kwababa vake; Asi mudadiri haanzwi kana achitukwa.

Urombo nokunyadziswa ndiwo mubayiro woanoramba kurairirwa; Asi anoteerera kurairwa achakudzwa.