Popular Bible Verses from Zvirevo 12

Share

Kutambudzika pamwoyo womunhu kunouremedza; Asi shoko nyoro rinoufadza.

Anoda kurairirwa, anoda zivo; Asi anovenga kurairwa ibenzi.

Mumwe ariko anotaura nokusarangarira zvinobaya somunondo; Asi rurimi rwowakachenjera runoporesa.

Nzira yebenzi yakanaka pakuona kwake; Asi akachenjera anoteerera kana achirairwa.

Kutsamwa kwebenzi kunozikanwa pakarepo; Asi akachenjera anovanza kunyadziswa kwake.

Mukadzi anoita zvakanaka, ikorona yomurume wake; Asi anonyadzisa, wakaita sezvakaora pamapfupa ake.

Miromo, ine nhema, inonyangadza Jehovha; Asi vanoita nokutendeka vanomufadza.

Akarurama anoperekedza wokwake zvakanaka; Asi nzira yowakaipa inovarashisa.

Muromo wezvokwadi uchasimbiswa nokusingaperi; Asi rurimi rune nhema runongogara chinguva chiduku.