Popular Bible Verses from Muparidzi 3

Share

Chinhu chimwe nechimwe chino musi wacho, uye shoko rimwe nerimwe pasi pedenga rine nguva yaro.

Nguva yokuberekwa, nenguva yokufa; nguva yokusima, nenguva yokudzura chakasimwa; nguva yokuuraya, nenguva yokuporesa; nguva yokuputsa, nenguva yokuvaka

nguva yokuchema, nenguva yokuseka; nguva yokuungudza, nenguva yokupembera; nguva yokurasha mabwe, nenguva yokuunganidza mabwe; nguva yokumbundikira, nenguva yokurega kumbundikira

nguva yokubvarura, nenguva yokusona; nguva yokunyarara, nenguva yokutaura; nguva yokuda, nenguva yokurwa, nenguva yorugare.

nguva yokutsvaka, nenguva yokurega zvirashike; nguva yokuchengeta, nenguva yokurasha

Ndinoziva kuti zvose zvinoitwa naMwari, zvichagara nokusingaperi; hakune chinhu chingawedzerwa, kana chingabviswa pazviri; Mwari akazviita izvozvo, kuti vanhu vamutye.

Ndakati mumwoyo mwangu, “Mwari ndiye achatonga akarurama nowakaipa; nokuti nguva iripo yeshoko rimwe nerimwe nebasa rimwe nerimwe.”