Popular Bible Verses from HEBRU 13

Share

Nae hiinzia tuh phua a duaa leipaw thua sah lah, na hoi oh paw uccaw hae khate nae lungryachih sah. Pawccecize Pachia nynh, “Nang kha kae cciataw boi lan khyh zah kae vua boi lan khyh,” a ci.

Jesu Khri tuh inkhawnin, atunin te zungzae cia rulaekuh khyh.

Tukeiccuze, “Bawipaw tuh kae yn bawmtu thua zah ka rih lan khyh. Ccungccaw nynh pawmou yn cyih kho cih?” cite rawhoyte ah ho kho cih oh.

Ahoypaw cyi lanpaw te neethungbua lanpaw kha la ning nan oh; pawccecize tuhcihawpaw silawnaw hae kya Pachia tuh a lungrythua.

Tukeiccuze amaw liate Pachia kalan thehoysahnawpaw silawkunaw kha palei rae oh sih, tuh-e tuh amaw min kya lungtuabya hopaw khalang athae nynh thua.

Ccungccaw balyn nynh zuvaw tangnaw hynh sawtua lanpaw nynh thua, te zuvaw tangnawpaw ikhung mah thusah lanpaw thua khyh; a ohhuakuh hae paw te milae zu milae vawpaw ryte a sei hae paw tuh Pachia nynh byapia cih hae.

Mikhia hae do-oihnaw kha la ning nan oh. Pawccecize tuhte mikhia do-oihnaw kya abang nynh vaaw hae kha tualeipite innccong a la thuasah hae.

Zungzae atynpaw byakinnaw chiise liate, tuu hae kya-e alesaepaw Tuurintu, ah Bawipaw Jesu kha chinaw kyate a thoosahpaw, daenaw Pachia nynh, amaw malang a lungrythuapaw rya kha Jesu Khri liate nae kya lah zah a rynaw kha na rae kho nawlan oh, ahoypaw ryalaw miakaw kya nanning kha ae ccingsah vae oh sah. Jesu Khri kya zungzae te zungzae cia phu-enaw um sah. Amen.