Popular Bible Verses from HEBRU 12

Share

Tukeiccuze aening mah ccaekia athuapaw maeking pi nynh phang oun koihlu keiccuze zoikadeih lan kaang oun kaesahpaw seinaw te phupaw miakaw kha ccanglang dae nung oh sih lah, aening malang a umpaw ccuetaekunaw kyakhe lungsaenaw te ccue oh sih. Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.

Thuiheinaw miakaw teing lya tuh lungpawnaw laeze ngaethyanaw cite tua lan a umhua; thuasalama thuiheinaw te kia athua hae paw hanlan, tuh-e nynh nyalang tuh daenaw te asekuhpaw dingnaw thae kha a thuakhaepya hae.

Ccungccaw miakaw te daenaw te um lanpaw te thyaararih lante um lanpaw kha zuakuh oh; thyaanaw leite hum nynh sanmah Bawipaw kha muih lan khyh.

Pawccecize nanning nae lungthawthang khyh nawlan te nae lungthawzya khyh nawlan misei hae kya-e khahcihawpaw rawsenaw a ngaesangtupaw amaw kha la tuatua oh.

Tukeiccuze ahy kho leipaw peenaw kha ah ccou oh keiccuze lungpawte um oh sih, sawtuanaw te rawrinaw ryte douccah lante Pachia kha beik oh sih.

Thuiheinaw kha na ngaesang oh ze, Pachia nynh ccaaw hae hawte ae ccuepe cih oh; pawccecize paaw nynh a thuihei leipaw ccaaw a um zawtou?

Pawccecize aening ah Pachia tuh aruapaw maee nynh thua.

Pawccecize tuh-e paaw hae nynh ahoy cite a tua hae thyhte sosoh nynh oun thuihei hae; thuasalama Pachia nynh tuh amaw kya-e thyaararihnaw kha ah neethungku bua nawlan oh, aening thanenaw hanlan nynh oun thuihei.

Nanning nynh seinaw dounaw kya chii phe lua lan ciate na dou loh khyh oh.