Popular Bible Verses from MALAKHI 3

Share

Achura yhm y teicha teinei neangneang awm ai nai, nangchi i horei y harei angym pa-rei syn u. Kai ai cham u cham; hunaibaly kai ly kani pri thaibeng katheuchi paeaung iy, nangchi i tlang tleaung y amtheaung naira neangneang kang leih pi nai nangchi niu u ai.

Kai ly mipochi ai nangchi i amti amjangchi taphra ai nai pei ai ny y; nangchi i kreip keungchi py athaichi pasu hai ai. Naibaly nangchi i pri ly awm nai ajeaung ai hawi parai nai meingtym lawm ai. Huna nai y khumi cheng cheaungkhangchi ly nangchi ai taham hawi nai khumichi, nanai palau u ai,” napi.

Ati cheaungkhang sa thai nai ARENG my, “Hini khumichi ly kai i khumichi lawm ai. Nichi ly kaimy tara chih nai kani y kai i khumi kypkypchi lawm ai. Ampo ly my i miseaung kamta sa nai chapo tlang tleaung y pahen nai kamta, kai py nichi tlang tleaung y pahen ai. Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.

Ati cheaungkhang sa thai nai ARENG my, “Kai ly kaimy i amtaw thau nai ai pato iy, kaimy i lam sa hai rym ai. Naibaly nangchi ajeng nai Areng ly mymy i Achura yhm y vaimy ang tym ai. Nangchi ajeng nai amtaw thau nai ly jeu iy, kai i Leu Maikawm satang pany hai ai,” napi.