Popular Bible Verses from LUKA 12

Share

Nangchi py aeng ryhryh naimy awm u, nangchi i dawn y nai neng khala y ly Khumi i Chapo ly ang jeu ai,” napi.

Mymy i peang nai phai hau u, naibaly hunichi py ang pei panawi bi ai mang.

Naibaly mymy ly nichi teng y, “Amkym u ly, paleung ano lyhlyh naira y ly akry u: yhmtheaung nang naira y ly khumi heng lawh nai ny y leang,” napi.

Nangchi i yhmtheaung awm naira ngierei y nangchi i paleung py awm ai.

Naibaly nangchi theung y huna nai paleung bi nai deaungkho y amy i jeng mang miurei asang hai thai nai ly ami awm mo?

Naibaly mymy ly abangnaichi teng y, “Hunai deaungkho y kang thui pi, ‘Kaichi ati cha ai mo? nanai nangchi i hengra i vui hawi, ‘Kaichi ati ateaung ai mo? nanai nangchi i tlang i vui py paleung bi u moh.

Na i py nichi theung y Tameuh ly ha py takhawi vai y. Nangchi i sam amai malawn py kati be na a. Jei u moh; nangchi ly li tavo chy neangneangchi tleaung y py teng keh na a.

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

O-achi ai phai dawn u cham; nichi ly choh py tiu y, tyn py tyn y, choh pai py choh beu py by y; na i py Tameuh my nichi ai pacho reng; nangchi ly tavochi tleaung y mana tanrei teng keh mo?

“Naibaly nangchi cha ai nai, nei ai nai hau u lyhlyh moh, naibaly paleung adi adiu nai kamta py awm u moh.

Hunaibaly nangchi ym nai di naichi awi, daichi acha kangheng, vaini ati heng iy khawn mang y ly mai y teih ryp nai ai malawn py Tameuh my huna tanrei pateaung baly, hunichi tleaung y ly nangchi ai ateaung mana tanrei ang pei ai mo?

Na i py amteng y ai nai heu nai ly ha py by y; pany y ai nai apha nai py ha py by y.