Popular Bible Verses from JOHAN 10

Share

Paviu nai khumi ly paviu ai nai hawi, padei ai nai hawi, taphra ai nai ny y baly jeu y leang; kai naini nichi hengra nga thai ai nai, nga tleaung nga ra thai ai nai kang jeu bo.

Kai ly beram typ nai keung kahawi ne; beram typ nai keung kahawi ly beramchi i vui mymy i hengra patlaw pi.

Kai i beramchi ly kai i raawi thai, kai py nichi ai kapany, nichi py kai teng y abang u i

kai ly nichi teng y deungtasarei hengra kapei; nichi ly deungtasa ryrei tamo y ai; ami py kai i kiu i nai ang lawm pi y leang.

Kai ly katheu pa-kho ne: ami py kai i saho y kun baly lawi hai ai, naibaly ni ly kun py kun, theu py theu ai i teicha tlai ai naira nga ai.

Kai ly beram typ nai keung kahawi ne.

Nichi ai kai teng y au nai keung Ngaai ly bawibawichi tleaung y len keh nai ne: ami py Ngaai i kiu i nai ang lawm pi thai y leang. Kai hawi Ngaai hawi ly bomrei ne,” nanai pathang.

Ampo my kai ai pany nai kamta hawi, kai ly Ampo ai pany nai kamta py, kaimy i ly kaimy pany, kaimy i py kai ai pany teang; naibaly beramchi i vui ly kaimy i hengra kapatlaw pi.

Ami py kai teng i nai lo pi y leang, kaimy ngaingai patlaw pi nai teu, Kai ly patlaw py patlaw pi thai, la py la bi thai. Hini leu pei nai ly Ngaai teng i nai kanga bo,” napi.

Hunaibaly Isu my nichi teng y thui bi i, “Meitang khypkhyp kang thui pi, kai ly beram katheu pa-kho ne.

Tham nai khumi, beram typ nai keung tatang ny y nai ly beramchi mymy i ny y nai deaungkho y, kasui jeu nai khala beramchi ai khai su iy angpreng veng; naibaly kasui ly beramchi ai kei iy ahei hai.

“Meitang khypkhyp kang thui pi, ami py beram hai y katheu pa-kho mang kun y naimy, takhra mang lyn iy kun nai ly mymy kypkyp ly kangviu khumi hawi damra teu.