Popular Bible Verses from Pwovèb 22

Share

Bay yon timoun prensip li dwe swiv. Jouk li mouri, li p'ap janm bliye l.

Soumèt ou devan Bondye, gen krentif pou li: W'a gen richès, y'a nonmen non ou, w'a viv lontan.

Pito yo nonmen non ou an byen pase pou ou gen anpil richès. Pito moun gen anpil konsiderasyon pou ou pase pou ou gen anpil lajan ak anpil lò.

Pa fè zanmi ak moun ki ankòlè fasil. Pa mache ak moun ki gen san wo.

Bondye beni moun ki gen bon kè, paske lè moun ki gen bon kè wè yon pòv, yo separe sa yo genyen an avè l.

Moun ki gen konprann, lè li wè malè ap vin sou li, li wete kò l. Men, moun sòt pote lestonmak li bay, epi se li ki peye sa.

Moun rich ap donminen sou moun pòv. Lè ou prete lajan nan men yon moun, ou tounen timoun devan pòt li.

Pa gen diferans ant moun rich ak moun pòv, paske tou de se kreyati Bondye yo ye.

Pa pran ti sa pòv la genyen an paske se pòv li ye. Pa pwofite sou ti malere yo nan tribinal. Se Senyè a ki va plede kòz yo pou yo. L'a touye moun ki vòlò malere sa yo.