Popular Bible Verses from Eklezyas 8

Share

Se konsa mwen mache di se pou tout moun jwi lavi yo, paske sèl plezi yon nonm gen nan lavi a se manje, se bwè, se pran plezi. Se sa ase li ka fè pandan l'ap travay di nan lavi Bondye ba l pou l viv sou latè a.

Yon moun k'ap fè sa ki mal gendwa fè san (100) krim, yonn sou lòt, epi l'ap toujou mache sou moun. Men, mwen konnen yo di tou: Si ou gen krentif pou Bondye, w'ap viv ak kè kontan, paske ou respekte Bondye.

Chak bagay gen jou pou yo fèt ak jou pou konprann jan yo te fèt. Se la tou, tout tèt chaje a chita.

Pèsonn pa mèt lavi l. Lè jou a rive pou l mouri, fòk li mouri. Pèsonn pa ka ranvoye jou lanmò li. Nou pa ka kouri pou batay sa a. Ata mechanste mechan yo pa ka sove yo.

Se paske yo pran twòp tan pou yo pini moun ki fè mal yo ki fè moun toujou anvi fè sa ki mal.

Men, tou sa, se pawòl anlè. Gade sa k'ap pase sou latè: Gen moun ki mache dwat epi se yo ki resevwa pinisyon mechan yo merite. Gen mechan ki jwenn rekonpans moun ki mache dwat yo merite. Sa a tou, se tankou lave kay tè.

Pèsonn pa konnen sa ki pral rive. Epi pa gen pèsonn ki ka di nou sa ki pral rive.