Popular Bible Verses from Mark 9

Share

Iso unga shunday javob berdi: — “Qoʻlingizdan kelsa” deganing nimasi?! Agar odam ishonsa, hamma narsaning imkoni bor.

Shu on bolaning otasi hayqirib yubordi: — Ishonaman! Ishonchsizligimni yengishimga yordam bering!

Iso uyga kirdi. U yolgʻiz ekan, shogirdlari Undan: — Nega biz jinni quvib chiqara olmadik? — deb soʻradilar. Iso ularga dedi: — Bu toifa jinlarni ibodatdan boshqa yoʻl bilan haydab boʻlmaydi.

Tuz — yaxshi narsa. Lekin tuz oʻz shoʻrligini yoʻqotsa, qanday qilib tuzni shoʻr qila olasizlar?! Tuzday boʻlinglar, oʻzaro tinch–totuv yashanglar.

— Kim shunday bolalardan birini Mening nomimdan qabul qilsa, u Meni qabul qilgan boʻladi. Kim Meni qabul qilsa, u Meni emas, balki Meni Yuborganni qabul qilgan boʻladi.

Sizlarga chinini aytay: Masihga tegishli boʻlganingiz uchun sizga bir piyola suv bergan har qanday odam albatta mukofotini oladi.

Iso soʻzida davom etdi: — Menga ishongan shu kichiklarning birontasini yoʻldan ozdirgan odamning holiga voy. Bunday qilgandan koʻra, oʻsha odamning boʻyniga tegirmon toshini osib, uni dengizga tashlashgani oʻzi uchun yaxshiroq boʻlardi.

Agar yoʻldan ozishingga koʻzing sababchi boʻlsa, uni oʻyib tashla. Ikki koʻzing bilan doʻzaxga tashlangandan koʻra, bir koʻzing bilan Xudoning Shohligiga kirganing yaxshiroqdir.