Popular Bible Verses from Matto 15

Share

Ammo ogʻizdan chiqadigan narsalar yurakdan chiqadi. Ana oʻshalar insonni harom qiladi. Chunki inson yuragidan yomon fikrlar, qotillik, fahshu zino, oʻgʻrilik, soxta guvohlik va tuhmat chiqadi.

Ogʻizga kiradigan narsa emas, balki ogʻizdan chiqadigan narsa insonni harom qiladi.

“Xudo aytdi: «Bu xalq Meni tilidagina izzat qiladi, Yuraklari esa Mendan uzoqdir. Ular Menga sajda qiladilar, Ammo sajdalari behudadir. Chunki ular inson yaratgan qoidalarni Ilohiy qonun deb oʻrgatadilar.»”

Shunda Iso: — Ey ayol, sening ishonching buyuk! — dedi. — Mayli, sen istaganingday boʻlsin. Shu zahoti ayolning qizi sogʻayib qoldi.

Ayol esa kelib, Isoning oldiga tiz choʻkdi–da: — Yordam bering, Hazrat! — deb yolvordi. Iso esa: — Bolalardan nonni olib kuchuklarga tashlash yaxshi emas, — dedi. — Toʻgʻri, Hazrat, — dedi ayol. — Lekin kuchuklar ham xoʻjayinlarining dasturxonidan toʻkilgan ushoqlarini yeydi–ku.