Popular Bible Verses from Luqo 3

Share

Butun xalq suvga choʻmdirilayotganda, Iso ham suvga choʻmdirildi. U ibodat qilib turganda osmon ochilib ketdi va Muqaddas Ruh kaptar shaklida Uning ustiga tushib keldi. Osmondan esa: “Sen Mening sevikli Oʻgʻlimsan, Sendan nihoyatda mamnunman” degan ovoz keldi.

Yahyo ularning hammasiga shunday dedi: — Men sizlarni suvga choʻmdiryapman. Lekin mendan ham qudratliroq boʻlgan bir Zot ortimdan kelmoqda. Men Uning choriq iplarini yechishga ham arzimayman. U sizlarni Muqaddas Ruhga va olovga choʻmdiradi.

Bundan keyin tavbaga yarasha ish tutinglar! Oʻzingizcha: “Biz Ibrohim naslidanmiz”, deb aytishni xayolingizga ham keltirmanglar! Sizlarga shuni aytay: Xudo mana bu toshlardan Ibrohimga avlod tiklashga qodir.

Hozirdanoq daraxtlar ildizida bolta yotibdi. Yaxshi meva bermagan har bir daraxt kesilib, olovga tashlanadi.

Shu tariqa Ishayo paygʻambar oʻz kitobida yozgan quyidagicha bashorati amalga oshdi: “Choʻlda bir ovoz yangramoqda: «Egamizga yoʻl hozirlang, Unga toʻgʻri yoʻl oching! Har bir jarlik toʻldiriladi, Har bir togʻu tepalik pasayadi. Qingʻir–qiyshiq yoʻllar rostlanadi, Oʻnqir–choʻnqir soʻqmoqlar tekis boʻladi. Butun jonzot Xudoning najotini koʻradi!»”