Popular Bible Verses from Chiqish 5

Share

Shundan keyin Muso bilan Horun firʼavn huzuriga borib, unga shunday dedilar: — Isroil xalqining Xudosi — Egamiz shunday aytmoqda: “Xalqimga ijozat ber, ular sahro ichkarisiga borib, Menga atab bayram nishonlashsin.”

Firʼavnga Sening xabaringni olib kelishim bilanoq, u xalqingga battar vahshiylik qila boshladi. Sen esa Oʻzingning xalqingni ozod qilmading.

Shundan keyin Muso ularning oldidan ketib, Egamizga iltijo qildi: — Yo Rabbiy! Nimaga bu xalqni shunchalik kulfatga qoʻyding? Nimaga meni yubording?

Firʼavn esa: — Egangiz kim oʻzi?! Uning soʻziga kirib men Isroil xalqini qoʻyib yuboraymi?! — dedi. — Egangizni tanimayman, Isroil xalqining ketishiga esa ijozat bermayman.

Oldin qancha gʻisht quyishgan boʻlsa, bundan keyin ham shuncha gʻisht quyishga majbur qilinglar. Gʻisht quyish miqdorini hech ham kamaytirmanglar. Ular dangasa xalq. Shuning uchun ular, ijozat bering, borib, Xudoyimizga qurbonliklar keltiraylik, deb nola qilishyapti. Ularni shunaqangi ishlatinglarki, ish bilan qattiq band boʻlib, behuda gaplarga quloq solishmasin.”