Popular Bible Verses from Luuk 8

Share

Anla ge n chogli hɛri bɔnanii la, aabuu banla n nuu wiŋɔzi la, ba bampiree lawaa ni wibii, ba ra hiŋ ani kanyitti. Ba wia ɛɛwɔɔ lugɔ mia la n du bee la.

Anla n chogli sɔɔhri biini la, aabuu banla n nuu wiŋɔzi la ka izi ra la. Ba miibɔɔni wia zuu ba nyuuni. Ba kpa kebinyiŋŋaa ni bahinaa dii wia du ba bampiree. Wiŋɔzi la waa wette na bɔr chɔɔ ba bampiree. Ba wia ɛɛwɔɔ lugɔ mia la n du bee huhzi la.

Anla n chogli bii bɔr la ge, aabuu banla n nuuwɛ di sɛɛ. Ba bɔra sɔɔni, ba hiŋ tama. Ka saŋa la baŋ waa di tɔɔrɔɔ la, ba vɛɛ. Ba waa kaa ra hiŋ. Ba wia ɛɛwɔɔ lugɔ mia la n waa lunne dɔɔwɛ la.

U pɛɛzi baa, “Ii dɔɔ yardaa naa?” A tir baa ba ra ɔm di ra pɛɛzi dɔŋa, “Beedee nɛdeere kennei, haali u wer ŋɔ wia tɛɛ peu ni nii, a wer nuu u nua di siigɛi?”

Anla n chogli ŋmɛnɛɛ la, aabuu banla n nuuwɛ, ka Sitaani ɛɛ manaŋ ba wa lizi a wiŋɔzi ba bampiree biine, bá gilɛɛ waa sɛɛ, Kɔ́raawiizi lɛɛ baa la.

Wii la maa n suahwɛ, ka u daŋ ŋmɛnɛ lii bɔchaaŋ. Wii la maa ge n ɛɛ woltɔi wii, ka u daŋ ŋmɛnɛ pilli nɛra zumuu.

Denii haaŋ la zum lugɔ wàá wer suah. U ba Yeesu be. U bɔra maa ra sa. U giŋŋi u see di bagluu wii la n baani u gbɔgzuu la ani gunla uŋ wette na alaanfia kakpaŋ la. Nɛra la maa ra nuu. Yeesu ŋɔ u be, “N bie, hiŋ yardiŋ wiarɛ i nyaagi la. Kɔ́raawiizi la i ni di tɛi bampirsɔna.”

Ba la ga lalli Yeesu di ŋɔ, “Yaa Dɔɔri, yaa Dɔɔri, yaa ra nyiŋŋi ya siwuu.” Yeesu izi dɔɔ hau peu la ni nii la ni, dí a siigi. Peu la teŋ, nii la ge waa kaa ra ziigi.