Popular Bible Verses from Mateo 27

Share

Iyan kabali na ngayting alaid, nanggaꞌmaran si Jesus nga magꞌaat, “Eli, Eli, lama sabachthani?” Ireg sugiden kaytu, “Ampuꞌang Diyus ku, Ampuꞌang Diyus ku, unuka pagpabaya-bayaꞌan mu na aku?”

Dengan it pagbugtuꞌ it ginawa ngayti ni Jesus, sakaliꞌ nga nagisay it karasik i maꞌpal nga kurtinaꞌ duꞌun it Templo nga maglingeb it Subraꞌ Na nga Ega Na Babasta-bastaeng Seled it Templo ngayti. Talagang garing duꞌun it dibwat simnareg duꞌun it salu i kagisay. Yimnegyeg i lugtaꞌ baw nabkar i mga batu. Miyukaꞌ i mga lebeng baw dakel i naꞌgen nga miyatay na nga mataldeng kat panleteg it Ampuꞌang Diyus.

Nanggaꞌmaran siꞌ si Jesus, langkuy it piyapalagsik ya nay kiyarurwa ya.

Nakbaan i kapitan it sundaluꞌ baw mga taawan ya nga magtatandaꞌ it ki Jesus, iyan natanudan nira nga magyegyeg i lugtaꞌ baw namuyaan nira i muꞌsa ngayti nga nagꞌabut. Maamaatan sira, “Talagang Anak tu nga matuud it Ampuꞌang Diyus!”

Desang nakasakay nat ugtuwan i aldaw, diminlem i banwa, miyabut it kabaling alaid.

Mampang siꞌ si Pilato, “Ta, in atkayan, unuy buwaten kut ki Jesus ngaytu nga pagtaꞌwagen it Cristo?” Mampang i muꞌsa ngayti, “Iransang yan duꞌun it krus!” “Kaꞌaiꞌ?” maat ni Pilato ngayti. “Unuy nabwat ya nga maraꞌe-raꞌet?” Temed subrang diyadakulaꞌ nirang gaꞌuy, “Iransang yan kanya duꞌut krus!”