Popular Bible Verses from Lucas 23

Share

Sakaliꞌ nga miyampang si Jesus. Maat ya, “Amaꞌ, pasinsiyaen mu naga sira, ka egaytu magkaꞌrutan niray pagbuwaten nira ngaytu.” Bawnga binwat it mga sundaluꞌ ngayti, namagpintuꞌan sira ka piyagbagiꞌ-bagiꞌan nira i pakayan ya.

Pagtubag ni Jesus, maat ya, “Matuud talagay iꞌaat kut imu, nga kayti ngaytu nga aldaw iba ku na ikaw mabway duꞌun it langit.”

Bawnga ipiyaꞌugdun ya, maat ya, “Jesus, beteꞌ demdemen mu naga aku in magꞌadiꞌ ka na.”

Nanggaꞌmaran si Jesus, nga magꞌaat, “Amaꞌ, ipagꞌintergaꞌ ku nat imu i kiyarurwa ku.” Langkuy it piyapalagsik ya na.

Pagꞌabut nira duꞌun it esang rugar nga pagpangaranat Barungutan, iriyansang na nira si Jesus duꞌut krus, pati duwa ngayti nga mga barapakun, iriyansang na gasiꞌ. Esay kat iwanan ya nga ayun i piyatindegan, esa kat gibang ya nga ayun.

Bawnga desang nakasakay nat ugtuwan i aldaw, seledat tulung uras diminlem i muꞌsang banwa, miyabut it kabaling alaid. Kat iting mga uras, talagang egay eyag it aldaw. Bawnga sakaliꞌ nga nagisay it karasik i maꞌpal nga kurtinaꞌ duꞌun it Templo nga maglingeb it Subraꞌ Na nga Ega Na Babasta-bastaeng Seled it Templo ngayti.

Pagkamuya it kapitan it mga sundaluꞌ it iti nga mga biyaraꞌan, biyantug yay Ampuꞌang Diyus, nga magꞌaat, “Matuud talaga nga mataldeng i itung taw.”