Popular Bible Verses from Lucas 22

Share

“Amaꞌ,” maat ya, “in mapakay mu, sana ega na ipatabus muy pagdadarapaꞌen ku ngaytu nga kakuriꞌan. Temed ega aken nga kaꞌirgan i masunud, in daꞌga imu nga kaꞌirgan.”

Temed ta, ipiyanalangin ku naga, Simon, nga ega kapangindiꞌ ka it pamayaꞌ mut aken. Bawnga in kasinguliꞌ ka na baw makaꞌuliꞌnang kemseg i pamayaꞌ mut aken, paksegen mu i pamayaꞌ it mga kaꞌibaan mu ngaytu nga mga sulsug mu kat pamayaꞌ.”

Bawnga kimnuꞌmit si Jesus it tinapay. Pagkapasalamat ya duꞌun it Ampuꞌang Diyus, biyagiꞌ ya na bawnga ibinggay duꞌun it mga alagad ya ngayti. Maat ya, “Ituꞌun, bilug kuytu nga buwateng salisi kat ikaribri mi. Buwaten mi tu nga pirmi nga pagdemdem mi it kamataynen ku.”

Pagkakaꞌen nira, iꞌimnan siꞌ i singkel ya. Maat ya, “Rugud it iꞌimnan ngaytu, keseg it baꞌgung pakiꞌupakat it Ampuꞌang Diyus kat katataawan, nga egay beken nga keseg ngaytu in daꞌga sadili ku nga duguꞌ nga ipaturuꞌ ku sabap it imyu.

Ereꞌeret nga keber-keber it seled ya. Aypaꞌ nanalangin kanya it pagꞌubsu-ubsun ya nay kat nakem ya. Magrarapatak duꞌut lugtaꞌ i liꞌnget ya nga magturuꞌ nga may uyut na nga duguꞌ.

Temed kamu, ega atkayan. In daꞌga iyan piyakamataꞌas, dapat nga ipabetang yay sadili ya nga timawaꞌ lamang, baw iyan magpamaalaꞌ, manigsirbi naga it mga kaꞌibaan ya.

Temed pagtubag ni Jesus, maat ya, “Kamatuudan tuy iꞌaat kut imu, Pedro, nga parabir tumaraꞌuk i manuk mabway nga kukuꞌ-aldaw, tulu na nga paylu mu sabap it aken.”