Popular Bible Verses from Daniel 6

Share

Maski naꞌrutan ni Daniel nga may pinirmaꞌan it adiꞌ nga atkayti nga urdin, ipiyasigi ya naga i adat yat kaꞌlay. Miyuliꞌ kanya duꞌun it balay ya baw miyapyat duꞌun it esang seled nga duꞌun it dibwat. Bawnga limningkuꞌud kanya duꞌut patuꞌ it esang abri nga lalawagan nga ayun duꞌun it giyaringan ya nga banwa nga Jerusalem, ka nanalangin baw nagpasalamat duꞌun it Ampuꞌang Diyus. Binwat yay atkayti it tulung bisis it sang aldaw, subung nagat kaꞌlay ngayti nga buwat ya.

Daꞌku naga bayni naꞌunu sabap, baꞌbaꞌ it mga leon ngayni, piyageget it anghil nga tiyaꞌeg it Ampuꞌang Diyus ku. Atkaytuy binwat ya sabap, kat panleteg ya, egay nabwat ku nga dapat ukumanan. Baw maski kat panleteg mu, kagalang-galang nga Adiꞌ, ega nagay nabwat ku nga karaꞌe-raꞌetan kuntraꞌ it imu.”

Kayti, ipagꞌurdin ku it muꞌsang pagsasakpan ku nga galangen mi it may iꞌlam i Ampuꞌang Diyus nga pagsirbiyan ni Daniel. Sabap kanya i Ampuꞌang Diyus nga Egen, nga egay kaskedan it kaꞌgenan ya. Baw kanya nga kaꞌadiꞌan, egay karanggaꞌan ya. Talagang maneꞌteꞌ seked it kaꞌnu-kaꞌnu i pamegbeg ya. Kanya i Manriribri. Magbuwat kanya it mga kalililuꞌang mga bagay duꞌun it langit baw situt banwa. Kamatuudan, ipiyagribri ya si Daniel kat maꞌiꞌiseg nga mga leon.”

Aypaꞌ ka isingkat nat adiꞌ nga ibuntal na si Daniel duꞌun it kali ngayti nga piyabanwaan it mga leon. Pagkapisiꞌ nirat ki Daniel, inaat kanya it adiꞌ ngayti, nga maat ya, “Sana iribri ka naga it Ampuꞌang Diyus nga pagsirbiyan mu ngayan it kamatuudan!”