Popular Bible Verses from རོ་མཱ་པ། 6

Share

དེས་ན་སྡིག་པའི་གླ་ཆ་འཆི་བ་ཡིན༌ཡང༌། དཀོན་མཆོག་གི་ཐུགས་རྗེའི་གནང་སྦྱིན་ནི་བདག་ཅག་གི་གཙོ་བོ་མཱ་ཤི་ཀ་ཡེ་ཤུའི་ནང་དུ་ཡོད༌པའི་མཐའ་མེད་པའི་ཚེ་སྲོག་དེ་ཡིན་ནོ།།

རྒྱུ་མཚན་ནི་ཁྱོད་རྣམས་བཀའ་ཁྲིམས་ཀྱི་འོག་ཏུ་མི་འདུག་པར་ཐུགས་རྗེའི་འོག་ཏུ་ཡོད་པའི་རྐྱེན༌གྱིས། སྡིག་པས་ཁྱོད་རྣམས་ལ་དབང་བསྒྱུར་མི་ནུས་པའི་ཕྱིར༌རོ།།

དེའི༌ཕྱིར། བདག་ཅག་ཁོང་གི་སྐུ་གྲོངས་པའི་ཁྲུས་གསོལ་བརྒྱུད་ནས་ཁོང་དང་མཉམ་དུ་དུར་ལ་བཅུག ཅིའི་ཕྱིར་ཞེ་ན། སྐྱབས་མགོན་མཱ་ཤི་ཀ་ནི་ཡབ་ཀྱི་གཟི་བརྗིད་བརྒྱུད་ནས་སྐུ་གྲོངས་པ་ལས་སླར་གསོན་པ༌བཞིན། བདག་ཅག་གིས་ཀྱང་མི་ཚེ་གསར་པ་ཞིག་རོལ་དགོས་པའི་ཕྱིར་ཡིན།

དྲང་བདེན་མིན་པའི་ལས་བྱེད་པ་ལ་ཁྱོད་ཅག་གི་ཡན་ལག་རྣམས་སྡིག་པའི་ཡོ་བྱད་དུ་མི་སྤྲོད༌པར། ཤི་ནས་སླར་གསོན་པ་ལྟར་རང་ཉིད་ནི་དཀོན་མཆོག་ལ་འབུལ་དགོས་པར་མ༌ཟད། ཡན་ལག་རྣམས་ཀྱང་དྲང་བདེན་གྱི་ལས་བྱེད་པའི་ཡོ་བྱད་དུ་དཀོན་མཆོག་ལ་འབུལ་དགོས།

བདག་ཅག་སྡིག་པའི་བྲན་དུ་མི་ཚུད་པ་དང་སྡིག་པ་ཅན་གྱི་ལུས་པོ་དབང་མེད་པར་བཟོ་བའི༌ཕྱིར། རང་གཤིས་རྙིང་པ་ནི་ཁོང་དང་མཉམ་དུ་ཤིང་རྒྱ་གྲམ་གྱི་སྟེང་དུ་བརྡབས་ཟིན་པ་བདག་ཅག་གིས་ཤེས༌ཏེ།

དེ་ལྟར་ཁྱོད་ཅག་གིས་ཀྱང་སྡིག་པའི་ཕྱོགས་ནས་རང་ཉིད་ཤི་ཟིན་པར་བརྩི་དགོས་པ༌དང༌། དཀོན་མཆོག་གི་ཕྱོགས་ནས་ཁྱོད་ཅག་ནི་མཱ་ཤི་ཀ་ཡེ་ཤུའི་ནང་དུ་གནས་པས་རང་ཉིད་གསོན་པོ་ཡིན་པར་བརྩི་དགོས་སོ།།

དེས་ན་ངེད་ཅག་གིས་ཅི་ཞིག༌སྨྲའམ། ཐུགས་རྗེ་སྔར་ལས་མང་དུ་འཐོབ་ཕྱིར་བདག་ཅག་ནི་སྔར་བཞིན་སྡིག་པའི་ནང་དུ་གནས་པར་བྱེད་དམ་ཞེ༌ན། གཏན་ནས་མི་བྱེད༌དེ། བདག་ཅག་ནི་སྡིག་པའི་ཆ་ནས་ཤི་ཟིན་པ་ཡིན༌པས། སྔར་བཞིན་སྡིག་པའི་ནང་དུ་འཚོ་ག་ལ༌རུང་།

ཁྱོད་རྣམས་ཀྱིས་རང་ཉིད་གཡོག་པོ་བྱེད་པར་འབུལ༌ཞིང༌། སུ་ཡི་བཀའ་ལ་མཉན་ན་དེའི་གཡོག་པོ་ཡིན་པ་མི་ཤེས༌སམ། སྡིག་པའི་གཡོག་པོ་བྱས་ན་འཆི་བར་འགྱུར་བ༌དང༌། བཀའ་ལ་ཉན་པའི་གཡོག་པོ་བྱས་ན་མི་རྣམ་དག་ཏུ་འགྱུར༌བ་ཡིན་ནོ།།

སྔོན་ཆད་ཁྱོད་རྣམས་ནི་སྡིག་པའི་གཡོག་པོ་ཡིན༌ཡང༌། ད་ལྟ་ཁྱོད་ཅག་ལ་བསྟན་པའི་ཆོས་དེ་སེམས་གཏིང་ནས་ཁས་བླངས་པའི་རྐྱེན་གྱིས་དཀོན་མཆོག་ལ་བཀའ་དྲིན་ཞུ་བར༌བྱའོ།། ཁྱོད་རྣམས་སྡིག་པ་ནས་ཐར་ཏེ་རྣམ་པར་དག་པའི་གཡོག་པོར་གྱུར༌པ་ཡིན།