Popular Bible Verses from རོ་མཱ་པ། 5

Share

འོན་ཀྱང་སྐྱབས་མགོན་མཱ་ཤི་ཀ་ནི་བདག་ཅག་ད་དུང་སྡིག་ཅན་ཡིན་པའི་དུས༌སུ། བདག་ཅག་གི་དོན་དུ་སྐུ་གྲོངས༌པ་ཡིན། དེ་ལས་དཀོན་མཆོག་གིས་ཁོང་གི་བྱམས་པ་ནི་བདག་ཅག་ལ་མངོན་པར་མཛད༌དོ།།

རེ་བ་ཡིས་ངོ་གནོང་བར་མི་བྱེད༌པ་བདག་ཅག་གིས་ཤེས་ཤིང་། དེ་ནི་བདག་ཅག་ལ་གནང་བའི་དམ་པའི་ཐུགས་ཉིད་ཀྱིས་དཀོན་མཆོག་གི་བྱམས་པ་བདག་ཅག་གི་སེམས་སུ་ལྷག་པར་བླུགས་པའི་ཕྱིར༌རོ།།

དེ་ལས༌གཞན། དཀའ་སྡུག་ལ་ཕྲད་པའི་དུས་སུའང་དགའ་སྤྲོས་ཁེངས༌ཏེ། དཀའ་སྡུག་གི་དབང་གིས་བཟོད་པ་དང༌། བཟོད་པའི་དབང་གིས་ཚོད་བགམ་ཐེག་ཐུབ་པ། ཚོད་བགམ་ཐེག་ཐུབ་པའི་དབང་གིས་རེ་བ་འབྱུང་བ་བཅས་ཡིན།

དེ་བས་ན། བདག་ཅག་དད་པའི་དབང་གིས་མི་རྣམ་དག་ཏུ་བརྩིས༌པས། བདག་ཅག་གི་གཙོ་བོ་ཡེ་ཤུ་མཱ་ཤི་ཀ་བརྒྱུད་ནས་དཀོན་མཆོག་ལ་འདུམ་འགྲིག་བྱུང་ངོ༌།། ཡང་བདག་ཅག་ཁོང་ལ་བརྟེན་ནས་དད་པའི་དབང་གིས་ད་ལྟ་ཐུགས་རྗེའི་ནང་དུ་ལངས་ནས་སྡོད་ཅིང་། དགའ་དགའ་སྤྲོ་སྤྲོའི་ངང་དཀོན་མཆོག་གི་གཟི་བརྗིད་ལ་རེ་སྨོན་བྱེད༌པ་ཡིན།

དེ་ཡང་བདག་ཅག་ཉམ་ཐག་པའི་དུས༌སུ། སྐྱབས་མགོན་མཱ་ཤི་ཀ་ནི་དུས་བཅད་ལྟར་སྡིག་ཅན་རྣམས་ཀྱི་དོན་དུ་སྐུ་གྲོངས༌པ་ཡིན་ནོ།།

ད་ལྟ་བདག་ཅག་ནི་སྐྱབས་མགོན་ཡེ་ཤུའི་སྐུ་ཁྲག་བརྒྱུད་ནས་མི་རྣམ་དག་ཏུ་བརྩིས་ཡོད༌པས། དེ་ལས་ལྷག་པར་ཁོང་ལ་བརྟེན་ནས་དཀོན་མཆོག་གི་ཐུགས་ཁྲོ་ལས་བདག་ཅག་ཐར་བར་འགྱུར་རོ།།

མི་གཅིག་གིས་བཀའ་མ་བརྩིས་པས་མི་མང་པོ་སྡིག་ཅན་དུ་གྱུར་པ༌དང༌། དེ་བཞིན༌དུ། མི་གཅིག་གིས་བཀའ་ལ་མཉན་པས་མི་མང་པོ་མི་རྣམ་དག་ཏུ་འགྱུར༌བ་ཡིན།

དེར་མ་ཟད། བདག་ཅག་ནི་རང་རེའི་གཙོ་བོ་ཡེ་ཤུ་མཱ་ཤི་ཀ་བརྒྱུད་ནས་དཀོན་མཆོག་ལ་འདུམས་པ་དང་། ཡང་ཁོང་ཉིད་བརྒྱུད་ནས་བདག་ཅག་དཀོན་མཆོག་ལ་དགའ་མགུ་བྱུང་ངོ་།།