Popular Bible Verses from མད་ཐཱ། 26

Share

ཁྱོད་ཅག་ཉམས་ཚོད་ཀྱི་འོག་ཏུ་མི་འཚུད་པའི་ཕྱིར་དོགས་ཟོན་བྱས་ནས་གསོལ་བ་ཐོབས༌ཤིག ཁྱོད་ཅག་གི་སེམས་སུ་དེ་ལྟར་བྱ་བསམ་ཡང་ལུས་སྟོབས་ཞན་པ་ཡིན་ཞེས་གསུངས༌སོ།།

བདག་སེམས་ཤིན་ཏུ་སྐྱོ་ནས་འཆི་ལ༌ཉེའོ། །ཁྱོད་ཅག་གིས་གནས་འདི་རུ་བསྒུགས་ནས་བདག་དང་མཉམ་དུ་དོགས་ཟོན་གྱིས་ཤིག་ཅེས་གསུངས་པ༌དང༌།

ཡང་ཁོང་མདུན་ཕྱོགས་སུ་ཅུང་ཙམ་ཕེབས་ནས་ཞལ་སར་བཏུད་དེ་འདི་སྐད༌དུ། ཀྱེ། བདག་གི་ཡབ༌ལགས། གལ་ཏེ་སྲིད་པ་ཡིན་ན་ཕོར་བ་འདི་བདག་དང་འབྲལ་བར་མཛོད༌ཅིག འོན་ཀྱང་བདག་གི་བསམ་དོན་བཞིན་དུ་མི་འགྲུབ་པར་ཁྱེད་ཀྱི་དགོངས་པ་བཞིན་དུ་གྲུབ་གྱུར་ཅིག་ཅེས་གསོལ་བ་བཏབ༌པའོ།།

འདི་ནི་བདག་གི་ཞལ་ཆད་ཀྱི་ཁྲག་ཡིན༌ཏེ། མི་མང་པོའི་སྡིག་པ་བསལ་ཆེད་བཞུར་བ༌ཡིན།

ཁོང་རྣམས་ཀྱིས་ཞལ་ཟས་བཞེས་བཞིན་པའི་དུས༌སུ། སྐྱབས་མགོན་ཡེ་ཤུས་ཕྱག་ཏུ་བག་ལེབ་བསྣམས༌ཏེ། བྱིན་རླབས་གནང་ཞིང་དུམ་བུར་བྱས་པ་དང་ཐུགས་སྲས་རྣམས་ལ་གནང་སྟེ་འདི་སྐད༌དུ། འདི་ནི་བདག་གི་ལུས་པོ་ཡིན་ཏེ་ཁྱོད་ཅག་གིས་ལོངས་ལ་ཟོ་ཞིག་ཅེས་གསུངས་པ༌དང༌།

ཡང་ཁོང་གིས་ཕོར་བ་ཕྱག་ཏུ་བསྣམས་ཤིང་དཀོན་མཆོག་ལ་བཀའ་དྲིན་ཞུས་རྗེས་ཁོ་རྣམས་ལ་གནང་སྟེ་འདི་སྐད༌དུ། ཁྱོད་ཅག་ཀུན་གྱིས་ཕོར་བ་འདི་ལས་འཐུངས༌ཤིག

དེ་ནས་ཁོང་ཉིད་ཕྱིར་ཐུགས་སྲས་རྣམས་ཀྱི་གམ་དུ་ཕེབས་པ༌ན། དེ་རྣམས་གཉིད་ལ་ཡུར་བ་གཟིགས་ཏེ་པེ་ཏྲོ་ལ་འདི་སྐད༌དུ། ཁྱོད་རྣམས་ཀྱིས་ཆུ་ཚོད་གཅིག་ཙམ་ལའང་བདག་དང་མཉམ་དུ་དོགས་ཟོན་བྱ་མི་ནུས༌སམ།

འོན༌ཀྱང༌། བདག་གིས་ཁྱོད་རྣམས་ལ་སྨྲ་བར་བྱ༌སྟེ། དུས་ད་ནས༌བཟུང༌། ངས་རང་གི་ཡབ་ཀྱི་རྒྱལ་སྲིད་ནས་ཁྱོད་ཅག་དང་མཉམ་དུ་གསར་པ་འཐུང་བའི་ཉིན་མོའི་བར༌དུ། ངས་རྒུན་འབྲུམ་གྱི་ཁུ་བ་འདི་འཐུང་བ་མིན་ཞེས་གསུངས༌སོ།།

དུས༌དེར། པེ་ཏྲོས་སྐྱབས་མགོན་ཡེ་ཤུའི་གསུང༌སྟེ། བྱ་ཕོ་མ་གྲགས་པའི་སྔོན༌དུ། ཁྱོད་ཀྱིས་ཐེངས་གསུམ་ལ་ང་རང་ཁས་མི་ལེན་ཞེས་གསུངས་མྱོང་བ་དྲན༌ཏེ། ཕྱི་རོལ་ཏུ་སོང་ནས་དྲག་ཏུ་ངུས༌སོ།།

ལྟོས༌དང༌། བདག་ལ་ངོ་ལོག་བྱེད་མཁན་དེ་ཉེ་སར་སླེབས་པས་ཡར་ལོངས་དང་འགྲོའོ་ཞེས་གསུངས༌སོ།།

དེ་ནས་སྐྱབས་མགོན་ཡེ་ཤུས་དེ་ལ་འདི་སྐད༌དུ། རལ་གྲི་ཕྱིར་གྲི་ཤུབས་སུ་ཆུག༌དང༌། རལ་གྲི་འཛིན་མཁན་ཐམས་ཅད་རལ་གྲིས་གསོད་པར༌འགྱུར།