Popular Bible Verses from Лука 5

Share

Һүҙен тамамлағас, Симонға: – Тәрәнгәрәк барып, иптәштәрең менән ау һалығыҙ! – тигән.

– Остаз! Беҙ төнө буйы тырыштыҡ, әммә бер нәмә лә тота алманыҡ. Шулай ҙа, Һин ҡушаһың икән, ау һалам, – тип яуап ҡайтарған Симон. Шулай эшләгәндәр һәм уларға бик күп балыҡ эләккән, хатта ауҙары бүҫелә башлаған.

Ғайса иһә аулаҡ урындарға барып доға ҡылыр булған.

Мин тәҡүә кешеләрҙе түгел, ә гонаһлыларҙы тәүбәгә саҡырырға килдем.

Симон Петр был хәлде күреп: – Хужам, кит минең янымдан! Мин – гонаһлы, – тип Ғайсаның тубыҡтарына йығылған.

– Табип сәләмәт кешеләргә түгел, ә ауырыуҙарға кәрәк, – тип яуап биргән Ғайса уларға.

Балыҡсылар, кәмәләрен ярға сығарғас, бөтә нәмәләрен шунда ҡалдырып, Ғайсаға эйәреп киткән.

Ғайса бер ҡалала булған саҡта, Уның эргәһенә тотош тәнен махау баҫҡан бер кеше килгән. Ғайсаны күргәс, йөҙтүбән ятып: – Әфәндем! Әгәр теләһәң, мине таҙарта алыр инең, – тип үтенгән. Ғайса ҡулын һуҙып уға ҡағылған: – Эйе, теләйем. Таҙарын! Шунда уҡ уның махауы юҡҡа сыҡҡан.

Ғайса тураһындағы хәбәр тағы ла нығыраҡ таралған. Уны тыңлау һәм ауырыуҙарынан һауығыу өсөн янына бик күп кеше ағылған.