Popular Bible Verses from Mak 4

Share

Nao Jisas i girap, i tok long win ya, i talem se, “!Yu kwaet!” Mo i tok long wota ya we i raf tumas, i talem se, “!I naf! !Yu stap kwaet!” Nao win ya i finis, mo olgeta samting i kwaet. Nao Jisas i talem long ol man blong hem se, “?From wanem yufala i fraet olsem? ?Yufala i no bilif yet?”

Be olgeta oli fraet tumas, oli stap taltalem long olgeta se, “!Olgeta! ?Wanem man ya? !Nating we win mo wota, be tufala i harem tok blong hem, tufala i obei long hem!”

Be Jisas i stap daon long af, i stap slip gud nomo long wan pilo. Nao ol man blong hem oli wekemap hem, oli talem se, “!Tija, yu luk! !Bambae yumi lus nao, be yu yu no wari nating!”

Mo hem i talem long olgeta bakegen se, “Tok ya we yufala i stap harem, yufala i mas tingting gud long hem. Bambae yufala i save kasem save, i stret long mak blong yufala we yufala i traehad blong kasem. Mo bambae God i givim save long yufala antap bakegen.

Nao Jisas i talem se, “Rod we God i stap kam King* blong ol man blong hem i olsem we wan man i planem sid long garen blong hem. Long naet, man ya i stap slip, mo long dei, hem i stap wokbaot. Nao sid ya i gru, i stap kam bigwan, be hem i no save se samting ya i hapen olsem wanem.

Man we i gat sora, hem i mas lesin gud long tok ya.”