“Taon ya Jerusalem* bambae i brobrok olbaot,
i stap nogud,
be mi bambae mi gat sore long hem,
mo long ol man we oli stap long hem.
Nating we ol ples raonabaot long hem
bambae oli kam draeples we i nogud olgeta,
be bambae mi mekem olgeta i kam gudfala ples bakegen,
we oli save karem fulap kakae.
Bambae ol ples ya oli kam olsem gudfala ples ya Iden,
we mi mi mekem bifo.
Ol man long taon ya bambae oli hapi,
oli stap glad oltaem,
mo bambae oli stap singsing blong presem mi,
mo blong talem tangkiu long mi.