Popular Bible Verses from Luka 8

Share

Aya duum bi̱bu a yar, a ki̱ti̱m bi̱yili̱mu, a tiwe ni̱bu, a nwe ya̱m Kwamamu a tau yinang, ki̱ma kwa̱mbi̱ri ki̱n we ni̱tu chiiti̱mu. Di̱ne bwanu chi, n chi a tau ya̱m Kwamame, chi ti̱yili ki̱ chiredu we ni̱tu chitu.”

Duum bi̱bu a yar, a kwa̱da ki̱selimu, a tiwe ni̱bu a nwe ya̱m Kwamamu aya riye n ti baku kuli n ti nwe ta̱ma̱ng ti̱ti̱niye a yo, n chi a rubbu we ya̱m Kwamamu.

Yinu duum bi̱bu a yar, a ti̱m kwanti̱mu, a tiwe ni̱bu a nwe ya̱m Kwamamu, a yiu fa̱li yurau, a baki̱swi bayim, aya keku bi̱yili̱mang chiyangu a tibu kwir, aya yo riye a be chimi̱ne, a ki̱lan ti̱ni kuteng.

N Yesu a bi̱u miyari̱m ki̱mu ko, “Keku bi̱yili̱mang changu a bwa̱le?” Aya n chi a ka̱ta̱n, a ki̱laki̱bi̱be yi chiyu ko, “N wure wu nii, wu mwe ti ki̱fi̱be ki̱nwe ki̱ne?”

Duum bi̱bu a yar a wa̱remu, a tiwe ni̱bu a nwe ya̱m Kwamamu aya n Setan a nibu chi da ka ma ti̱kurantu we ya̱m Kwamamu ko ke chi swaan. N Setan ki̱madi ying ko ke n chi a swaanu ya̱m Kwamamu ka yo chidu ka swidi̱mu we.

Ka nan ti̱ti̱le chi ti̱lairiye, ka kwa̱la̱du we bwa kake yinu a ne chi mwang madu a ne chire tametuwe, aya ya̱m mi̱mu ni̱bu a swaanbi̱mu beka swaan ti̱nu we bwa kake.

Kangu naye wu a swaan ko n Yesu a yimangu, a be bwiyu ki̱ mi̱kati̱nu, a be yar we kakku Yesungu n ti ni̱bi kwang. A fwa Yesu mi̱n chi a yo ka twai ki̱nitu n ti yinangu ka ya beku bi̱nabi̱nangu. N Yesu a yi ko, “Naye m be, di̱ne mwang ke bi̱yili̱mu we wu ka bene. Ya li̱mang.”

Miyari̱m ki̱mu a ya kukku ki̱n ko, “Tewuduwe! Yanan twiyadu.” N Yesu a kun a ki̱l ki̱fi̱be, mwe a du muli̱nu, ki̱fi̱be a ti si̱ng.