Popular Bible Verses from Luka 7

Share

Mi̱n yi chi̱nu, n da̱u ki̱mi̱n ki̱leti kiyu nabwen niyu, n ki̱n a yung mi keki̱ku yinang yinu nii wu mang du ki̱mi̱n ki̱leti kiyu bayim me a milayi ti̱n bayim.” Yinu Yesu a yi naye wu ko, “N dumi̱n ki̱leti mwiyu.”

N Yesu a yi naye wu ko, “Keku bi̱yili̱mang mwangu a yun, ya li̱mang.”

A be, a ti a kuteng Yesuwang, a kwatuwe nani kiyu, ki̱ki wii. Ti̱mweni kitu a mwe ki̱yaradu we nani Yesuyu. Naye wu a musu Yesu mi̱n ti̱mwenitu ki̱ni rii kitu, a wa ti̱ki̱nung ki̱ki fi̱rfi̱ra̱ngu, ki̱yubadu we nang Yesuwangu.

Nang chi a yo ma yabu bwa a di̱mune di̱ne mang lwebu. Fwa kana ya̱m, ka̱bemi ka bedu. M fwa bi̱bu di̱ne m mi̱n ti̱n, mi̱ma nangangu ki̱ni ya̱m bi̱kaki̱mu. M mi̱n ti̱n, ki̱ni ni̱bu ki̱rangmu ki̱ma nangangu ki̱ni ya̱m mi̱mi̱mu. Mi̱n yi wu mi a ya, mi̱n yi wu mi a be, n chi ki̱ma ti̱nu. Mi̱n yi ka̱biyu a di̱mi̱neyu mi a ma ying, n chi ki̱ma ti̱nu.” Kangi̱n Yesu a nwengu, a ya̱r ki̱n yi. N ki̱n a sabran, a yi ni̱ba kuteng kangi̱mu ko, “N fwa chimi̱n, ma yabu wuka we Yisrela ki̱ni keku bi̱yili̱mangi ying.”

We ki̱daang kaangu, n Yesu a be ni̱bu nabwen bi̱bu ki̱ni buri̱ni̱mu a chaki̱ti̱ ki̱fi̱bti yibwilayu. Ki̱dubi̱bu nabwen nuyi chiyu a wuden ki̱ku di. N Yesu a ki̱l ni̱bu Yowanamu ko, “Ti̱ki̱lan, yati̱ fwa Yowana mi̱n chi ta nwe n ti chi ta kuutu. Ki̱dubi̱bu ki̱ya kuku diyang, ki̱kubtiyu ki ya yayu, ni̱bu mwa̱limu a be, ti̱funitu ki̱nwe ya̱m, bi̱bwari̱mu a kabatuwe, ti̱lusanitu a ya ya̱m bi̱li̱m.