Popular Bible Verses from Injil 21: 1-Fitor 2

Share

Oile tumra to ila nae, tumra oilae Allar fosond ḳora ḳandan, bashshai imamor dol, fobitro zati, tan afon proza. Tain tumrare andair taki nizor nuror foro daot ḳori anchoin, tan gunogan ḳorar lagi.

Tain nizor shoril dia amrar gunar buza boisoin gasor ṭukrar solibo, zate gunar babote amra moria hari, fak-forezgarie zinda roi. Tan shorilor ḳaṭa-sirae tumrar shifa oise. Age to tumra be-fote zaoa meṛar laḳan aslae, oile ze raḳale tumrar dilor deḳa-huna ḳoroin, oḳon tan gese-u firia aiso.

Age to tumra Allar proza aslae na, oile oḳon oiso. Age tan maya-mohobbot-o faiso na, oḳon faiso.

Geda huruttaintor dudor fiasor laḳan tumra ḳaṭi ruhani dudor kiali o, ar ou dud ḳaia ḳaia zanu tumra boṛo oia nazat fao.

Bai oḳol, i duniat tumra musafir hishabe ami tumrare minot ḳori koiram, tumra shorilor bod ḳaish taki basia ro, itae to tumrar ruhur bifokke zuddo ḳore. Zera Allare sine na, tarar maze tumra hok fote solo. Teu tara tumrare dushi koia ninda ḳorle-o, tumrar hoḳol bala ḳam dekia kiamotor din Allar gourob ḳorbo.

Ar tumra tan torika kobul ḳorae, tumrare-o zinda fattoror laḳan Alla Pak roibar fobitro Kaba gor banani or. Erlagi Allai imam sab hishabe tumrare alada ḳori raḳa oise, zate tumra oula ruhani kurbani deo, zeta Isa al-Mosir ḳatire Allae kobul ḳoroin.

Erlagi oinno manshor ḳeti korar hoḳol zat ku-motlob, sol-soturi, bonḍami, ingsha, ar hoḳol zat nindar mat-ḳota tumrar dil taki horai deo.

Te tumra tan gese ao. Tain-u oila agor nobi oḳlor ḳoa hou “zinda fattor”, ze fattorre manshe dam dise na, oile Allar gese ikṭa moha dami ar fosondor fattor.

Tumra nichchoy shadin, ta-o naformanire guria raḳar lagi i shadinota bebohar ḳorio na. Borong nizore Allar gulam mono ḳoro.

Allar munsha oilo, tumra bala ḳam ḳoria buṛboḳ manshor beḳama mat-ḳota bond ḳoro.