Popular Bible Verses from Injil 21: 1-Fitor 1

Share

Hou Alla Pakor tarif ouk, zein amrar Malik Isa al-Mosir Mabud ar gaibi baf. Tain Isa al-Mosire mora taki zinda ḳoria, tan moha doyae amrare noya zonom dan ḳorsoin, ete amra eḳ zinda asha faisi. Mani amra ola eḳ donor asha faisi, ze don kunudin nosṭo oito nae, hara zibon noya taḳbo, ermaze ḳaraf kunta taḳto nae. Nazator i don tumrar lagi behesto raḳa oise.

Zudio ḳoy dinor lagi nanan zat forikkar mazdi tumra oḳon duk-koshṭo ḳorrae, ta-o ou nazator ashae to tumrar mon kushie bora. Ou forikka oḳol soler, tumra zen imane ḳaṭi oḳan forman ḳorar lagi. Ar Isa al-Mosir zair oar shomoy, tumra zanu tarif, gourob ar shomman fao. Ze shuna koy oizae, ou shunare-o agunit fuṛia zasai kora oy. Ar tumrar imanor dam to ou shunar saite-o bout beshi, erlagi ou forikka soler.

Zein tumrare daot disoin, tain zela fobitro, tumra-o oula hoḳol sola-firat fobitro o. Pak Kitabo Allae ḳoisoin, “Ami fobitro, erlagi tumra-o fobitro o.”

Tumrar agor obuz halotor ḳaraf ḳam-ḳaz mafik zindegi kaṭaio na, borong Allar hukum manra aolad hishabe din ḳaṭao.

Erlagi tumrar monre hozag koro ar nizore shamlaia raḳo. Al-Mosi zair oar bade ze rohomot tumra faibae, ou rohomoti nazat faoar lagi furafur asha loia tumra bar sao.

Allar kalamo leḳa ase, Hoḳol manush-u gashor laḳan, gash fulor laḳan tara shundor; gash hukai zae, ful-o zori zae, ḳali Allar kalam roy siroḳal.