Popular Bible Verses from ꠁꠘ꠆ꠎꠤꠟ ৩: ꠟꠥꠇ 23

Share

ꠅꠃ ꠡꠝꠄ ꠁꠍꠣꠄ ꠇꠁꠟꠣ, “ꠛꠣꠛꠣ, ꠄꠞꠣꠞꠦ ꠝꠣꠚ ꠇꠞꠤ ꠖꠤꠟꠣꠅ। ꠔꠣꠞꠣ ꠔ ꠛꠥꠎꠦꠞ ꠘꠣ ꠔꠣꠞꠣ ꠁꠔꠣ ꠇꠤꠔꠣ ꠇꠞꠦꠞ।” ꠛꠣꠖꠦ ꠔꠣꠞꠣ ꠔꠣꠘ ꠇꠣꠙꠠ-ꠌꠥꠙꠠ ꠘꠤꠔꠣ ꠇꠞꠤ ꠟꠐꠣꠞꠤ ꠝꠣꠞꠤꠀ ꠛꠣꠐꠣ-ꠛꠣꠐꠤ ꠇꠞꠟꠣ।

ꠔꠣꠁꠘ ꠇꠁꠟꠣ, “ꠀꠝꠤ ꠔꠥꠝꠣꠞꠦ ꠢꠇ ꠇꠕꠣ ꠇꠁꠞꠣꠝ, ꠔꠥꠝꠤ ꠀꠁꠎ ꠕꠣꠇꠤꠃ ꠀꠝꠣꠞ ꠟꠉꠦ ꠀꠞꠡꠦ-ꠀꠎꠤꠝꠅ ꠕꠣꠇꠛꠣꠄ।”

ꠛꠣꠖꠦ ꠢꠦ ꠇꠁꠟ, “ꠅ ꠁꠍꠣ, ꠀꠙꠘꠦ ꠚꠤꠞꠤꠀ ꠀꠁꠀ ꠎꠦꠛꠟꠣ ꠘꠤꠎꠦ ꠛꠣꠖꠡꠣꠁ ꠇꠞꠛꠣ, ꠅꠃ ꠡꠝꠄ ꠈꠣꠘꠅ ꠀꠝꠣꠞꠦ ꠁꠀꠖ ꠞꠣꠈꠂꠘ ꠎꠣꠘꠥ।”

ꠢꠦꠡꠦ ꠁꠍꠣꠄ ꠎꠥꠞꠦ ꠀꠅꠀꠎ ꠇꠞꠤꠀ ꠇꠁꠟꠣ, “ꠛꠣꠛꠣ, ꠀꠝꠣꠞ ꠞꠥꠢꠥ ꠔꠥꠝꠣꠞ ꠀꠔꠅ ꠡꠙꠤꠀ ꠖꠤꠟꠣꠁꠟꠣꠝ।” ꠅꠈꠣꠘ ꠇꠁꠀꠃ ꠀꠈꠦꠞꠤ ꠖꠝ ꠚꠣꠟꠣꠁꠀ ꠁꠘ꠆ꠔꠦꠇꠣꠟ ꠇꠞꠟꠣ।

ꠛꠣꠖꠦ ꠝꠣꠕꠣꠞ-ꠈꠥꠟꠤ ꠘꠣꠝꠞ ꠎꠣꠉꠣꠔ ꠀꠘꠤꠀ, ꠔꠣꠞꠣ ꠁꠍꠣꠞꠦ ꠀꠞ ꠢꠃ ꠖꠥꠁꠅ ꠖꠣꠉꠤ ꠀꠡꠣꠝꠤꠞꠦ ꠉꠣꠍꠞ ꠐꠥꠇꠞꠣꠖꠤ ꠛꠣꠘꠣꠁꠟ ꠍꠟꠤꠛꠅ ꠟꠐꠇꠣꠁꠟ, ꠄꠇꠎꠘꠞꠦ ꠔꠣꠘ ꠒꠣꠁꠘ ꠉꠣꠟꠣꠔ, ꠀꠞꠇ ꠎꠘꠞꠦ ꠛꠣꠃ ꠉꠣꠟꠣꠔ ꠟꠐꠇꠣꠁꠟ।

ꠅꠃ ꠡꠝꠄ ꠛꠦꠁꠟ ꠅꠘꠥꠝꠣꠘ ꠖꠥꠁꠚꠞ, ꠄꠞꠛꠣꠖ ꠕꠣꠇꠤ ꠎꠥꠢꠞꠞ ꠛꠣꠖ ꠙꠞ꠆ꠎꠘ꠆ꠔ ꠔꠤꠘ ꠊꠘ꠆ꠐꠣ ꠗꠞꠤ ꠀꠡ꠆ꠔꠣ ꠖꠦꠡ ꠀꠘ꠆ꠖꠣꠁꠞ ꠅꠁꠉꠦꠟ। ꠡꠥꠞꠥꠎꠞ ꠚꠞ ꠘꠤꠜꠤꠉꠦꠟ। ꠄꠞꠝꠣꠎꠦ ꠎꠦꠞꠥꠎꠣꠟꠦꠝꠅ ꠇꠣꠛꠣ ꠊꠞꠞ ꠙꠛꠤꠔ꠆ꠞ ꠢꠦꠞꠦꠝ ꠡꠞꠤꠚꠞ ꠙꠞ꠆ꠖꠣꠈꠣꠘ, ꠃꠙꠞꠦ ꠕꠣꠇꠤ ꠔꠟ ꠙꠞ꠆ꠎꠘ꠆ꠔ ꠍꠤꠠꠤꠀ ꠖꠥꠁ ꠐꠥꠇꠞꠣ ꠅꠁꠉꠦꠟ।

ꠞꠥꠝꠣꠘ ꠍꠤꠙꠣꠁꠞ ꠎꠦ ꠛꠠ ꠅꠚꠤꠡꠣꠞ ꠢꠘꠅ ꠙꠣꠞꠣ ꠖꠦꠅꠀꠔ ꠀꠍꠟꠣ, ꠄꠁꠘ ꠁꠍꠣꠞ ꠝꠃꠔꠞ ꠁ ꠢꠣꠟꠔ ꠖꠦꠈꠤꠀ ꠀꠟ꠆ꠟꠣꠞ ꠔꠣꠞꠤꠚ ꠇꠞꠤꠀ ꠇꠁꠟꠣ, “ꠘꠤꠌ꠆ꠌꠄ, ꠁ ꠛꠦꠌꠣꠠꠣ ꠈꠣꠐꠤ ꠖꠤꠘꠖꠣꠞ ꠝꠣꠘꠥꠡ ꠀꠍꠟꠣ।”