Popular Bible Verses from Rómverjabréfið 8

Share

Við vitum að þeim sem Guð elska samverkar allt til góðs, þeim sem hann hefur kallað samkvæmt ákvörðun sinni.

Því að ég er þess fullviss að hvorki dauði né líf, englar né tignir, hvorki hið yfirstandandi né hið ókomna, hvorki kraftar, hæð né dýpt né nokkuð annað skapað muni geta gert okkur viðskila við kærleika Guðs sem birtist í Kristi Jesú, Drottni vorum.

Eins hjálpar andinn okkur í veikleika okkar. Við vitum ekki hvers við eigum að biðja eins og ber en sjálfur andinn biður fyrir okkur með andvörpum sem engum orðum verður að komið.

Hvað eigum við þá að segja við þessu? Ef Guð er með okkur hver er þá á móti okkur?

Nú er því engin fyrirdæming búin þeim sem eru í Kristi Jesú.

Sjálfshyggjan er dauði en hyggja andans líf og friður.

Nei, í öllu þessu vinnum við fyllsta sigur í krafti hans sem elskaði okkur.

Ég lít svo á að þjáningar þessa tíma séu ekki neitt í samanburði við þá dýrð sem á okkur mun opinberast.

Hver mun gera okkur viðskila við kærleika Krists? Mun þjáning geta það eða þrenging, ofsókn, hungur eða nekt, háski eða sverð?

En hann sem hjörtun rannsakar veit hver hyggja andans er, að hann biður fyrir heilögum samkvæmt Guðs vilja.

Allir sem leiðast af anda Guðs eru Guðs börn.

Þau sem stjórnast af eigin hag hafa hugann við það sem hann krefst. En þau sem stjórnast af anda Guðs hafa hugann við það sem hann vill.

Hann sem þyrmdi ekki sínum eigin syni, heldur framseldi hann fyrir okkur öll, hvort mundi hann ekki líka gefa okkur allt með honum?

Sjálfur andinn vitnar með anda okkar að við erum Guðs börn. En ef við erum börn erum við líka erfingjar og það erfingjar Guðs en samarfar Krists því að við líðum með honum til þess að við verðum einnig vegsamleg með honum.

Sjálfshyggjan er fjandsamleg Guði og lýtur ekki lögmáli Guðs, enda getur hún það ekki.

Því að sköpunin vonar og þráir að Guðs börn verði opinber.

Við vitum að öll sköpunin stynur líka og hefur fæðingarhríðir allt til þessa.