Popular Bible Verses from Matteusarguðspjall 5

Share

Ekki kveikja menn heldur ljós og setja undir mæliker heldur á ljósastiku og þá lýsir það öllum í húsinu. Þannig lýsi ljós yðar meðal mannanna að þeir sjái góð verk yðar og vegsami föður yðar sem er á himnum.

Þér eruð ljós heimsins. Borg, sem á fjalli stendur, fær ekki dulist.

Sælir eru hjartahreinir því að þeir munu Guð sjá.

Sælir eru þeir sem hungrar og þyrstir eftir réttlætinu því að þeir munu saddir verða.

En ég segi yður: Elskið óvini yðar og biðjið fyrir þeim sem ofsækja yður.

„Sælir eru fátækir í anda því að þeirra er himnaríki.

Sælir eru friðflytjendur því að þeir munu Guðs börn kallaðir verða.

Sælir eru syrgjendur því að þeir munu huggaðir verða.

Sælir eru þeir sem ofsóttir eru fyrir réttlætis sakir því að þeirra er himnaríki.

Sælir eru miskunnsamir því að þeim mun miskunnað verða.

Sæl eruð þér þá er menn smána yður, ofsækja og ljúga á yður öllu illu mín vegna. Gleðjist og fagnið því að laun yðar eru mikil á himnum. Þannig ofsóttu þeir spámennina sem voru á undan yður.

Sælir eru hógværir því að þeir munu jörðina erfa.

Þér eruð salt jarðar. Ef saltið dofnar, með hverju á að selta það? Það er þá til einskis nýtt, menn fleygja því og troða undir fótum.

Verið því fullkomin eins og faðir yðar himneskur er fullkominn.

En þegar þér talið sé já yðar já og nei sé nei. Það sem umfram er kemur frá hinum vonda.

Þér hafið heyrt að sagt var: Auga fyrir auga og tönn fyrir tönn. En ég segi yður: Rísið ekki gegn þeim sem gerir yður mein. Nei, slái einhver þig á hægri kinn þá bjóð honum einnig hina.

Ef hægra auga þitt tælir þig til falls þá ríf það úr og kasta frá þér. Betra er þér að einn lima þinna glatist en öllum líkama þínum verði kastað í helvíti. Ef hægri hönd þín tælir þig til falls þá sníð hana af og kasta frá þér. Betra er þér að einn lima þinna glatist en allur líkami þinn fari til helvítis.