Popular Bible Verses from N. Eoin 13

Share

Fainte ùr tha mi toirt dhuibh: Gun toir sibh gaol do gach a cheile, mar a thug mise gaol dhuibhse, gun toir sibhse gaol do gach a cheile mar an ciadna. Le so aithnidh daoine uile gur sibh mo dheisciopuil-sa, ma bheir sibh gaol do gach a cheile.

Uime sin ma nigh mise, ur Tighearna, agus ur Maighistir, ur casansa, is còir dhuibhse casan a cheile nighe mar an ciadna. Oir thug mi samplair dhuibh, gus gun dian sibhse, mar a rinn mise dhuibh.

Fhreagair Iosa, us thuirt e ris: An ni tha mise dianamh, cha n-aithne dhutsa e an drasda, ach tuigidh tu e an deigh so.

Gu dearbh dearbh tha mi g-radh ribh: cha n-eil an seirbhiseach nas mua na thighearna; agus cha mhua an t-ostal na esan a chuir e.

Ma ʼs aithne dhuibh na nichean so, bithidh sibh beannaichte ma ni sibh iad.

Dhʼ eirich e bho ʼn t-suipeir, ʼs chuir e eideadh dheth; ʼsa gabhail tubhailte, chrioslaich e e fhein. An deigh sin chuir e uisge ann am ballan, us thòisich e air casan a dheisciopul a nighe, ʼs an tiormachadh leis an tubhailte, leis an robh e crioslaichte.