Popular Bible Verses from I Thessalonica 5

Share

Bithibh aoibhneach an comhnuidh. Bithibh ri urnaigh gun lasachadh. Thugaibh taing anns gach ni: oir se so toil De ann an Iosa Criosta dha ʼr taobh uile.

ʼS gum bʼ e Dia na sithe a naomhaicheas sibh tromh gach ni, gus ur spiorad gu h-iomlan, ʼs ur n-anam, agus ur coluinn, a bhith air an gleidheadh gun smal gu tighinn ar Tighearna Iosa Criosta. Tha esan a ghairm sibh dileas; agus ni e sin mar an ciadna.

Fiachaibh nach diol neach olc an aghaidh an uilc do dhuine air bith: ach daonnan cleachdaibh an ni tha math dha cheile, ʼs do dhaoine uile.

Air an aobhar sin furtaichibh air a cheile; us thugaibh deagh shamhla dha cheile, mar a tha sibh a dianamh.

Agus tha sinn a guidhe oirbh, a bhraithrean, cronaichibh luchd-buaireis, thugaibh misneach do ʼn lag-inntinneach, dianaibh taic ris an anfhann, bithibh faighidneach ri daoine uile.

Oir cha dʼ orduich Dia feinn gu feirg, ach gu sabhaladh a chosnadh tromh ar Tighearna Iosa Criosta

Oir is clann an t-soluis sibhse uile, agus clann an latha; cha n-ann dhe ʼn oidhche, no dhe ʼn dorchadas sinn.