Popular Bible Verses from Mataio 26

Share

Kamarurungngkami n taratara, ao tataro b'a kam aonga n aki b'aka nakon te kariri; e konamaki te tamnei, ma e mamara te iriko.”

E taku ngkanne nako ia, “E taonaki maiu n te rawawata ae moan te bati n te aro ae kaan ae N na mate iai. Kam na tiku ikai, ao kamarurungngkami n tantani ma Ngai.”

Ao E nako riki teutana, ao E katorobubua ni bobaraaki i aontano ao E tataro ni kangai, “Tamau, ngkana e konaki, ao e na nako mai Rou te m'angko ni karawawata aei; ma tiaki nanou ae na iraki, ma nanom.”

B'a aei raraau, ae raraan te boraraoi, ae kawawaeaki i bukiia aomata aika bati i bukini kab'aran aia bure.

Ao ngke a am'arake, ao E anaa te berena Iesu, ao E tataro ni katituaraoi, ao E urua, ao E angania ana reirei, ao E kangai, “Anaia, kanna; rab'atau aei.”

Ao E anaa te m'angko, ao ngke E a tia n tataro ni katituaraoi, ao E anganiia, ao E kangai, “Kam na bane ni moi iai.

Ao E roko irouia ana reirei, ao E noriia b'a a matu; ao E taku nakoni Betero, “Ai aromi aei, kam aki kona ni kamarurungngkami n taratara ma Ngai teuana te aoa?

I tuangngkami b'a N na aki manga moi n te wain aei, ni karokoa te bong arei, are N na nima iai te wain ae boou ma ngkami n uean Tamau.”

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

Tei rake! Ti na nako. Noria, e a roko teuare nang kam'aneai!”

Ma E taku Iesu nako ina, “Ko na kaki am kabaang ni nena; b'a a na bane ni mate n te kabaang akana kamanena te kabaang.