Popular Bible Verses from Ruka 14

Share

Ngkana iai ae kan riki b'a au reirei ma e aki riba tamana ma tinana ma buuna ma natina ma tarina ma m'anena, ma n aki riba naba maiuna, ao e aki kona n riki b'a au reirei.

Ane aki uouota ana kaibangaki, n ri mwiu, ao e aki kona n riki b'a au reirei.

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ma ngaia are ngkana iai i buakomi ae aki kitan ana b'ai ni kabane, ao e aki kona n riki b'a au reirei.

B'a antai i roumi ae kani katea te auti ae buubura, ao e na aki tekateka moa ni wareka m'aitini boona, b'a tao e na tau ke e na aki i bukini katiana? B'a ngkana e a tia ni karaoa aana, ao e aki kona ni katiaa te auti, ao e na ngareakinaki irouia aomata ake a noria. Ao a na kangai, “E a tib'a moa ni kateitei te aomata aei, ao e aki kona ni katiaa.”

Ma ngkana ko karaoa te am'arake, ao ko na kaoiia akana aki kaub'ai ma akana a aki toamau b'ain rab'ataia, ma akana aki kona te nakonako raoi, ma akana a mataki, ao ko na kakab'aiaki iai; b'a a aki kona ni manga kabooa mwin are ko karaoia nako ia. Ane e na kaboaki nako im mwin are ko karaoia n te tai are a manga uti iai aomata ake a raoiroi ake a tia ni mate.

“E raoiroi te taoro; ma ngkana e a mauna taorona, ao e na kanga ni manga kaokaki arona n taoro? E aki tau ni kabonganaki i bukini kanan te tano, ke n renganaki ma kanan te aroka aika b'ariko ni maange. Ane iai taningana n ongo ao ke e ongo!”