Popular Bible Verses from Ruka 13

Share

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

Ao noria, e mena iai te aine ae iai i rouna te anti ae kaaorakaki i rouna i nanon ririki aika tebwi ma wanua; e b'aoua nuukana ao e aki kona ni kaeta raoi rab'atana. Ngke E nora neierei Iesu, ao E weteia ao E taku nako ina, “Neiko, ko a kamaiuaki man aorakim.”

Ao E kaaki baina i aona, ao e a eti ngkekei naba nuukana, ao e karaoiroa te Atua.

Ao noria, bon iai aika rimwi ngkai aika na riki n rimoa, ao aika rimoa ngkai aika na riki n rimwi.

N te tai naba are e tei rake iai teuare ana auti te auti ni kaina te mataroa, ao ane kam na tei i tinaniku ao kam na karebwerebwea te mataroa, ao kam na kangai, “Te Uea, kaukia nako ira!” Ao ngaia e na kaekaingkami ni kangai, “I aki ata reitakiu ma ngkami!”

I tuangngkami, A aki; ma ngkana kam aki rairi nanomi, ao kam na bane ni mate n ai aroia.

Ao ngaia e na kangai, “I tuangngkami b'a I aki ata reitakiu ma ngkami! Naako mai rou, ngkami ni kabaneingkami aika taani karaoa ae buakaka!”

Ao E taku ngkanne Iesu, “Ai aron tera uean te Atua? Ao tera ae N na kabotaua iai ma ngaia? Ai aron uaan te m'akeke, are e anaia te aomata n unikia ni nen arokana; ao e riki rake, ao e riki b'a te kai ae ab'ab'aki, ao a karaoi neia ni maeka mannikiba i aoni m'aangana.”