Popular Bible Verses from Maatteeo 19

Share

Nĩngĩtĩ akannĩ Yeesu ĩhõõggõ hẽbẽrĩ nẽ ĩĩnnĩk, “Aattĩg thooꞌthioha ũgẽẽgĩ ꞌcĩg aꞌnyaman eet ngaatĩ adticanĩ, nẽẽthĩ, aitiõõ ꞌgii ꞌcĩ aꞌnyaman Nyekuc tõõ.”

Nẽẽthĩ hoti ho, iittiõõ nẽẽg hõllõngaa ĩĩn ꞌramma, ĩĩtõ nẽẽg hõdẽẽthõng. Nẽẽthĩ, eeta ꞌcĩg ũrũm Nyekuci hõdẽĩ, anneek eet umwa ma heꞌngeri.”

Ẽdẽcĩ Yeesu anneek, “Nga nooyyia itigiilit niig aĩ, baa iꞌthianaanĩ Nyekuci ẽhẽnyta looc, ‘Baa ẽhẽnyta nẽẽ eet ꞌcĩ maacĩ hĩ ngaa ꞌcĩ ngayyi’? Nẽ tarĩ ĩĩ, ‘Hĩnĩngĩtĩ thõõth icci, ũũnnĩk hatĩ ẽẽtĩ maaꞌnyĩ hĩ aattĩnnĩ nẽ õõt ũrũmtĩ hĩ ngaa cĩnnĩ nẽ iita ĩĩtõ eeta ꞌcĩg ĩĩn ꞌramma ho ẽlẽ hõdẽẽthõng.’

Ẽdẽcĩ Yeesu ĩhõõggõ anneek, “Aꞌnyĩĩk lõhõlĩ ꞌcĩg kidicig hiita hĩ nganĩĩta, ma habĩllu ĩhõõggõ! Eet ꞌcĩg aattĩg hĩ lohollia cieeg kidicig ko, ꞌcĩg ĩĩn eet cĩg habuccieet cĩ hẽẽtkujjieen.”

Nẽẽthĩ, mẽẽlĩg hatĩ eeta ꞌcĩg ꞌyioko uwwattĩ ꞌcĩg hatĩ au adtuurna nẽ mẽẽlĩg hatĩ ꞌcĩg ꞌyioko adtuurna, ꞌcĩg hatĩ au uwwattĩ.”

Ẽẽtĩ ꞌcĩ ũtũngeek õlõ cĩnnĩ hode ꞌgõtõõnõgĩ hĩ ngõõnõgĩ hode maaꞌnyĩ hĩ aattĩnnĩ, hode manẽẽn cĩgĩnnĩg, hĩnĩngĩtĩ nganĩĩta, ammũda hatĩ nẽẽ ꞌbaaninit tabattĩ ꞌmiia hõdẽĩ nẽ hatĩ ũmmũda rũgẽt ꞌcĩ aalla ooo.

Ẽdẽcĩ Yeesu ĩnõõnnõ anneek, “Má adiimi ĩĩ eet ꞌcĩ abũnnaa, bĩĩt tũũõĩ hẽlẽggĩ vẽlẽk ꞌcĩg aꞌnyahi! Nẽ aaꞌnyĩhuu ꞌrabbẽẽt eet ꞌcĩg appĩĩrna nẽ thĩ hatĩ ũmmũda baliinit hẽẽtahujjieen. Nẽ thĩ ikia ũnũwaa nganĩĩta.”

Ẽdẽcĩ Yeesu ĩnõõnnõ anneek, “Inni jinaa thõõth ꞌcĩ abũnnaa ho? Nyekuc dioo ꞌcĩ abũnnaa. Má adiimi nii aduhuni habuccieet cĩ hẽẽtkujjieen, thĩĩk tilooinit cĩ Nyekuci.”

Nẽ tarĩ haduhaakuunga, ammũjĩ ngaatĩ occa adukni nyaakaalĩ hutuli cĩ lĩbbĩraaõ, hĩllõõan ngaatĩ occa adukni ẽẽtĩ ꞌcĩ ĩĩn ballioohit habuccieet cĩ Nyekuci.”

Nẽ haduhaakuung dĩdĩ, adĩman ẽẽtĩ ꞌcĩ õõg ngaa cĩnnĩ nẽ ũꞌthũwan ngaa umwa tarĩ ꞌthẽccan. Occa õõg ẽẽtĩ ngaa hatĩ itikto ngaa hĩ eet umwa ꞌcĩ ꞌrĩĩng diooni.”

Nĩngĩtĩ aduhaakĩ Yeesu nuyyiook cĩgĩnnĩg annẽẽkĩ, “Õkõmĩ gẽrrẽẽt ũdũt ngaatĩ occa adukni ẽẽtĩ ꞌcĩ aballi habuccieet cĩ hẽẽtkujjieen!