Popular Bible Verses from Yõaannẽ 6

Share

Ma ho, ẽdẽc Yeesu ĩĩ, “Hĩĩnĩ naa ũbũnĩ cĩ rũgẽtõ! Ẽẽtĩ ꞌcĩ aku hĩ nganĩĩta, aitiõõ hatĩ hõllõngaa adak ĩnõõnnõ magĩthĩ nẽ ẽẽtĩ ꞌcĩ ẽlẽmma nganĩĩta, hõllõngaa hatĩ aam kõrra.

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

Ma harrĩcanaannu dtiic, hĩnĩngĩtĩ ꞌgẽẽn ꞌcĩ ugguba, nẽẽthĩ, ĩrrĩcatta dtiic ꞌcĩ aꞌnyak rũgẽt ꞌcĩ aalla ũdũt, ꞌcĩ hatĩ aaꞌnyuung Ngeertĩ Eeto ngagiita. Baa aaꞌnyĩk Maaꞌnyia Nyekuci ĩnõõnnõ ꞌtirrian ꞌcĩ adĩmanĩ thooꞌthiok ꞌcĩg ĩnaat eeta.”

Hĩnĩngĩtĩ tabiiniti cĩ Baaba, adiim eet vẽlẽk ꞌcĩg acĩn Ngeerĩnĩ nẽ elemit ĩnõõnnõ, humuddia rũgẽt ꞌcĩ aalla ooo nẽ hũrũgũthaa ĩhõõggõ kõr cĩ decciaanĩt cĩ lootu.”

Ẽdẽcĩ Yeesu ĩhõõggõ anneek, “Adiimmuung Nyekuci ngagiit aꞌnyahit lemiinit hĩ eet baa ĩꞌthõõa nẽẽnĩ.”

Eeta vẽlẽk ꞌcĩg aaꞌnya nganĩĩt Baaba, au hatĩ hĩ nganĩĩta nẽ ẽẽtĩ ꞌcĩ aku hĩ nganĩĩta, hõllõngaa hatĩ hiiggiaeehi tuu.

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Makayyioohit! Nganĩ umwaa tarĩ ꞌcĩ occa hooyyia naag ko? Thõõth cunni dioo ꞌcĩ aaꞌnyeet rũgẽt ꞌcĩ aalla ooo!

Hĩĩnĩ naa ũbũnĩ cĩ rũgẽtõ baa alluuccia hẽẽtahujjieen. Eeta ꞌcĩg aduk ũbũnĩ icci, arũgĩ hatĩ nẽẽg ũdũt. Ĩĩn ũbũnĩ ciee ẽlẽ caannĩ ꞌcĩ hatĩ haaꞌnyihi eet cĩg looc nicci, hátĩ hũrũgĩt.”

Aitiõõ eet ꞌcĩ aku hĩ nganĩĩt, hatĩ nga hĩꞌthõõa Baaba baa ĩꞌthõõannaa nganĩĩt tõõ nẽ harũgtha hatĩ naa ĩnõõnnõ kõr cĩ decciaanĩt cĩ lootu.

Nẽ ũbũnĩ ꞌcĩ aaꞌnyĩk Nyekuci eet ko, ĩnõõnnõ ꞌcĩ alluuccia hẽẽtahujjieen hikia haaꞌnyĩk eet cĩg looc nicci rũgẽt.”

Hĩĩnĩ naa ũbũnĩ ꞌcĩ rũgẽtõ.

Ma nĩngaata, aggama Yeesu ũbũnẽẽt niccig nẽ aggatana, nĩngĩtĩ ẽꞌngẽrẽẽkĩ eeta. Ma urutaa cĩnnĩ, ikia aggatan nẽẽ ulugo buúk nẽ eꞌngereek eet. Nĩngĩtĩ aduhẽẽnĩ eeta vẽlẽk hũũppattĩ. Ma baa udukto eeta vẽlẽk hũũppattĩ, ikia uduhaak Yeesu nuyyiook cĩgĩnnĩg ĩĩnnĩk, “Uluttia ũbũnẽẽt ꞌcĩg anyiꞌthiaa vẽlẽk, hátĩ hiittiõõ ꞌcĩg adhuhoothĩk tuu tõõ.”

Ma baa uꞌthuhanit nẽẽg haahũl bũlũcatõõ õõt maaĩlꞌnya iyyio hode iyyio hĩ ꞌnuth, iita udtuukta nẽẽg Yeesu ovvooyyia maamĩ hujjieen aku ĩĩcĩ aayyi haahũlĩ nẽ iita itingolli nẽẽg gẽrrẽẽt ũdũt. Ma nĩngaata, ikia uduhaak Yeesu ĩhõõggõ ĩĩnnĩk, “Nganĩĩt Yeesu! Ma hiꞌngolinnaangu!”