Popular Bible Verses from Yõaannẽ 21

Share

Ma baa urutaa ꞌcĩ duhẽẽttõ, ĩĩnnĩk Yeesu ꞌThimõõnẽ Pẽẽtũrũ, “ꞌThimõõnẽ ngeertĩ Yõaannẽ, ammĩnannaa nii nganĩĩt ꞌlõõan ꞌgoonogu iccig?” Ẽdẽcĩ ꞌThimõõnẽ Pẽẽtũrũ anneek, “Eei Makayyioohit, aga ꞌthẽk nii ngaatĩ hammĩnanni naa nganiita.” Ẽdẽcĩ Yeesu Pẽẽtũrũ anneek, “Tirok aꞌtha cĩgannĩg.” Ma tarĩ ho, ijin Yeesu ĩnõõnnõ tabattĩ ꞌramma ĩĩnnĩk, “ꞌThimõõnẽ ngeertĩ Yõaannẽ, ammĩnannaa nii nganĩĩta?” Ẽdẽcĩ Pẽẽtũrũ anneek, “Eei Makayyioohit, aga nii ngaatĩ hammĩnanni naa nganiita.” Ẽdẽcĩ Yeesu anneek, “ꞌThũũtĩ aꞌtha cĩgannĩg!” Ma ĩcĩ ĩĩn iyyio cĩnnĩ, õbõdẽẽhĩ Yeesu ijin ꞌThimõõnẽ Pẽẽtũrũ ĩĩnnĩk, “ꞌThimõõnẽ ngeertĩ Yõaannẽ, ammĩnannaa nii nganĩĩta?” Ma nĩngaata, ikia õmmõthĩ Pẽẽtũrũ gẽrrẽẽt ngaatĩ ajini Yeesu ĩnõõnnõ tabattĩ iyyio. Nĩngĩtĩ ẽdẽcĩ annẽẽkĩ, “Makayyioohit, aga nii thooꞌthiok vẽlẽk, aga ngaatĩ hammĩnanni naa nganiita.” Ẽdẽcĩ Yeesu anneek, “Tirok aꞌtha cĩgannĩg.

Haduhaakii dĩdĩ, baa nga ĩĩnĩ nii nyahaappan, baa gõõng ahimiti ẽlẽ cunni ẽmmẽn nẽ uuhu ĩĩcĩ adiimi niina. Nẽẽthĩ ma atahaanyu, odongi hatĩ athĩn cugunnig nẽ itihimttii eeta cĩrrĩĩng nẽ ootti ĩĩcĩ hõllõngaa adiimi niina.”

Ma ho, uduhaak Yeesu ĩhõõggõ ĩĩnnĩk, “Udhukteek da nyelelewwa ĩĩcĩ aꞌthiit cobbi, hátĩ ummuddia ũgĩ.” Ma baa adhuheek ho, aggam hinnia ulugo ꞌcĩg mẽẽlĩg ꞌrĩng, hĩdĩddĩng nyelelewwa hanyaman ĩhõõggõ ngaatĩ agurraakĩ haahũlatõõ.

Ma ho, ĩĩnnĩk ꞌThimõõnẽ Pẽẽtũrũ ꞌgõõnõgĩ, “Nga hõkõ haggami naa ulugo.” Ẽdẽcĩ ꞌgoonoggia anneek, “Hookorit hõdẽĩ.” Nĩngĩtĩ õtõdĩ nẽẽg haahũl õõĩ. Nẽẽthĩ hinnia, baalin niccia, baa aitiõõ ulugo ꞌcĩg aggam nẽẽg tõõ.