Popular Bible Verses from Yõaannẽ 12

Share

Ẽẽtĩ ꞌcĩ adticanoothĩkaa nganĩĩta, aꞌnyĩĩk hũnũa nganĩĩta nẽ nĩngĩtĩ haayyi naana, aaĩ hatĩ dticciannioohiti caannĩ buúk nĩngaata. Abuluth hatĩ Baaba eet ꞌcĩ adticanoothĩkaa nganĩĩta.

Ẽẽtĩ ꞌcĩ amĩna rũgẽt cĩnnĩ, adhuheek hatĩ tuu nẽ ẽẽtĩ ꞌcĩ aaburreek rũgẽt cĩnnĩ looccaa nĩĩcĩ, aꞌthũũnnĩ hatĩ rũgẽt cĩnnĩ ho ooo.

Haduhaakuung dĩdĩ, má hõllõngaa adhuhoothĩk hinyomooc cĩ ꞌgẽẽmẽ loota nẽ õtõngõla, aalla hatĩ idiongan odoyyii noho. Nẽ má õtõngõla, aku hatĩ abũtha hĩtĩlĩth haꞌnyaha ꞌgẽẽmẽ ꞌcĩg mẽẽlĩg.

Baa hakuu naa loota nĩnga hĩĩ lanyit, hatĩ hiittiõõ eeta ꞌcĩg ẽlẽmma nganĩĩt hõllõngaa aattĩg muguratõõ.

“Ẽẽtĩ ꞌcĩ athĩhĩ thooꞌthiok cĩgannĩg nẽ hõllõngaa aꞌthũũnnĩ ĩhõõggõ, hõllõngaa hetteedi naa thõõth cĩnnĩ. Hĩnĩngĩtĩ baa hõllõngaa hakuu naa hikia hẽttẽẽd thõõth cĩ lootu, baa hakuu naa hikia hẽẽla looc nicci.

Nĩngĩtĩ attihaanĩ Maria ngõõrrõ umwa ꞌcĩ õꞌngõlĩ ẽmmẽdĩ nẽ udduutik ꞌthõõnĩĩ cĩg Yeesu. Ma ho, upuppuucan ĩmaa cĩgĩnnĩg, nĩngĩtĩ allũnganĩ muyuuhi ꞌcĩ ngõõrrõ nicci ꞌcieeth hũtũrũũr.

Ma nĩngaata, itikta nẽẽg taba cĩg mĩlĩlaannu nẽ õõt ithirriamattõõthĩ Yeesu nẽ awacaktõõthĩ ꞌjieena ĩĩtõ, “Hĩdĩhĩthĩt Nyekuc!” “Aꞌnyĩĩk Nyekuc haggatan eet ꞌcĩ aku ꞌthaarĩĩ cĩg Makayyiookto!” “Aꞌnyĩĩk haggatan Nyekuci habu cĩ Ĩꞌthĩraẽlĩ!”

Nĩngĩtĩ ẽdẽcĩ Yeesu ĩhõõggõ annẽẽkĩ, “Õdõlan kõrra ꞌcĩ occa edeeꞌnyianĩ bulẽẽnĩtĩ cĩ Ngeertĩ Eeto.