Popular Bible Verses from JOHAN 16

Share

Keimah a khamuanna naneih na ding un hih thute na kiang uah ka gen ahi. Leitung ah thuakgimna nanei ding uh; hinanleh kipaktak in om un ken leitung ka zouta hi!” achi hi.

Bangteng hileh thutak Kha a hungtun chiangin, aman nou thutak tengteng ah ahung lamkaih ding; ajiak ama phuah thu in thu a genkei ding a, hinanleh ajak taphot agenjaw ding; tualeh sil hungtung dingte ahung musak ding hi.

Tutan in kamin in nou bangmah na ngen naikei uh; ngen un, namu ding uh, na kipak uh a kimna ding in.

Hinanleh thutak kung hilh ahi; ka paimang nou a dingin ahoih hi; ajiak ka paimang keileh Khamuantu na kiang uah a hungpai kei ding hi; ka pai leh na kiang uah kung sawl ding hi. Amah a hungpai chiangin khialhna thu ah, diktatna thu ah tualeh vaihawmna thu ah leitung adiklouh dan atheisak ding hi.

Tuajiakin tulaitak in lungkhamna nanei uhi, hinanleh nou kung mukik ding a, na lungtang uh akipak ding; tualeh na kipahna uh kuaman ahung laksak kei ding hi. “Tualeh huani chiangin nou bangmah nung ngen kei ding uh, adiktak in kung hilh ahi, kamin a Pa kiang a na nget uh khat peuh Aman ahung pia ding hi.

Adiktak in, adiktak in kung hilh ahi: nou nakap ding ua na sun ding uh; hinanleh leitung a kipak ding; nou na lungkham ding ua; na lungkhamna uh kipakna asuak ding hi.