Popular Bible Verses from JOHAN 15

Share

“Kei grepgui ka hi a, nou abate na hi uh, kuahileh keimah a aom gige uleh kei mauh a ka omgige nate tampi in agah jel hi; ajiak keimahlou in bangmah a bawlthei kei uhi.

Keimah ah omgige un, kei zong nou mauh ah ka omgige ding, aba grepgui a aom gige keileh amah guak a agah theihlouh mahbang in, nou zong keimah a na omgige kei uleh na gahthei kei ding uhi.

Keimah a na omgige ua tualeh ka thu zong noumauh a aom gige leh na ut ut uh ngen un, nou a dingin bawl in a omjel ding hi.

Nou kei nung tel kei ua, hinanleh ken nou kung teljaw hi; pai a gah ding leh nagah uh omjing dingin, tualeh ka min a Pa kiang a nanget peuh uh a hung piak theihna dingin nou kungguat ahi.

Mi`n a lawmte ding a ahinna apiak sang a lianjaw itna kuaman anei kei hi.

Keimah a om ba gahneilou jousiah a paimang jel a; tualeh agah jousiah a hahsiang a; agah tamsemna dingin.

Ken nou kung it bangin nou zong khat leh khat ki it un chih ka thupiak ahi.

Hi-ah ka Pa pahtawi in a om hi, tampi nagah na uah; tuachi`n ka nungjuite na hi ding uhi.

“Kei grepgui diktak ka hi, ka Pa ahuan neipa ahi.

Mi keimah a aom gige keileh ba bangin paikhiat in a om a, avuljel hi, tualeh mi`n amauh a tomkhawm a, mei ah apai ua, a kangtum hi.

“Ka kipakna nou a aom gige theihna ding leh, ka kipakna uh a bukim theihna dingin hih thute na kiang uah kung gen ahi.

Nou ka thupiakte najuih uleh ka itna ah na omgige ding uhi. Ken ka Pa thupiakte ka juih a a itna a ka omgige mahbang in.

Hih thute nou kungpia hi, khat leh khat ki it un.

Leitung a hile uchin leitung in amah a it ding hi; hinanleh leitung a hilou-a, leitung a kipan a kungtel khiatte na hihzawk jiak un leitung in nou ahung hua ahi.